Jump to content

Պապաք Զանճանի

Պապաք Զանճանի
Ծնած է 12 Մարտ 1974(1974-03-12) (51 տարեկան)
Ծննդավայր Թեհրան, Իրան
Քաղաքացիութիւն  Իրան
Մասնագիտութիւն ձեռնարկատէր և գործարար

Պապաք Զանճանի (պարս․՝ بابک مرتضی زنجانی, անգլերէն՝ Babak Zanjani, 12 Մարտ 1974(1974-03-12), Թեհրան, Իրան), իրանցի մեծահարուստ գործարար: Եղած է ԱՄԷ-ին մէջ տեղաւորուած Sorinet Group-ի գործադիր տնօրէնը, որ մէկն է Իրանի մեծագոյն գործարար ընկերութիւններէն:[1] Լայնօրէն յայտնի դարձած է 2012-ի վերջերէն Իրանի դէմ կիրարկուող պատժամիջոցներուն հետ կապուած եւ մուտք գործած է Եւրոմիութեան եւ Միացեալ նահանգներու սեւ ցուցակներուն մէջ անոնցմէ խուսափելու մէջ կատարած դերին համար:

2013-ի վերջը ան ձերբակալուած է եւ մեղադրուած է Նաւթի նախարարութեան միջոցով իւրացուցած պետական $2.7 պիլիոնը Իրանի դէմ պատժամիջոցներու հետեւանքներու վերացման խոչընդոտելուն պատճառով[2][3][4]։

6 Մարտ 2016-ին Իրանի իշխանութիւնները մահուան կախաղանի դատապարտած են Զանճանին, իր կատարած զեղծարարութեան պատճառով:

Սորինեթ Խմբաւորում (Sorinet Group)[5]

[Խմբագրել | Խմբագրել աղբիւրը]

Սորինեթ Խմբաւորումը (պարսկերէն՝ گروه شرکت‌های سورینت) իրանեան գործարար համախմբում (conglomerate) մըն է։ Ընկերութիւնը Իրանի մեծագոյն գործարար համախմբումներէն մէկն է։ Սորինեթի գործունէութեան դաշտերը կը ներառեն՝ գեղագիտական արտադրութիւններ (cosmetics), ելեւմուտք եւ դրամատնային գործառնութիւններ, հիւրընկալութեան սպասարկութիւններ, առեւտրային օդանաւորդութիւն, ենթակառուցուածքներ, շինանիւթեր, տեղեկատուական արհեստագիտութիւն եւ միջազգային անշարժ գոյքի զարգացում։

Ան կը գործէր Իրանի, Միացեալ Արաբական Էմիրութիւններու, Թուրքիոյ, Տաճիկիստանի, Մալեզիոյ եւ Չինաստանի մէջ։ Ան նաեւ կը տնօրինէր Qeshm Air օդանաւային ընկերութիւնը եւ իրանեան Rah Ahan Sorinet F.C. ֆութպոլի ակումբը[6][7]։

2013-ին, Զանճանի յայտարարեց, որ իր զուտ կարողութիւնը կը հասնէր 13.5 միլիառ տոլարի[8]։

Ծանօթագրութիւններ

[Խմբագրել | Խմբագրել աղբիւրը]
  1. ↑ «Sorinet Group»
  2. ↑ «Zanjani arrested»։ Radio Farda։ 30 December 2013։ արխիւացուած է բնօրինակէն-էն՝ 2014-03-17-ին։ արտագրուած է՝ 23 March 2014 (անգլերէն)
  3. ↑ «Babak Zanjani was arrested»։ Khabar Online։ արտագրուած է՝ 23 March 2014 (անգլերէն)
  4. ↑ «Քանի Մը Տողով»։ Asbarez - Armenian (en-US)։ 2016-03-08։ արխիւացուած է բնօրինակէն-էն՝ 2020-09-27-ին։ արտագրուած է՝ 2020-08-13
  5. ↑ (անգլերեն) Babak Zanjani, 2026-03-04, https://en.wikipedia.org/w/index.php?title=Babak_Zanjani&oldid=1341711201, վերցված է 2026-03-06
  6. ↑ Increasing Your Self-Confidence and Problem Solving, Routledge, 2013-10-28, pp. 215–229, ISBN 978-0-203-72742-3, https://doi.org/10.4324/9780203727423-29, վերցված է 2026-03-06
  7. ↑ DECEMBER, Cambridge University Press, 2013-09-05, pp. 30–70, ISBN 978-1-139-64489-1, https://doi.org/10.1017/cbo9781139644891.003, վերցված է 2026-03-06
  8. ↑ «CBS News/New York Times Poll, October 21-24, 1988»։ ICPSR Data Holdings։ 1989-09-26։ արտագրուած է՝ 2026-03-06
Վերցուած է «https://hyw.wikipedia.org/w/index.php?title=Պապաք_Զանճանի&oldid=248499» էջէն