Շուէտի Բնական Պատմութեան Թանգարան

Jump to navigation Jump to search
Շուէտի Բնական Պատմութեան Թանգարան
Naturhistoriska Riksmuseet Stockholm (2010).JPG
Տեսակ կառավարական գործակալություն, բնագիտական թանգարան, ազգային թանգարան, ճարտարապետական անսամբլ[1] եւ Swedish government agency[2]
Երկիր Flag of Sweden.svg Շուէտ[1][2]
Տեղագրութիւն Սթոքհոլմ[1]
Վայր Norra Djurgården եւ Սթոքհոլմ[2]
Կազմուած է Cosmonova
Ղեկավարութեան նստավայր Սթոքհոլմ, Շուէտ
Հասցե Frescativägen 40 եւ Frescativägen 40, 114 18 Stockholm[2]10405[2] եւ 114 18[2]
Հիմնադրված է 13 Նոյեմբեր 1916
Այցելուներ 330 211
59°22′8.00″ հս․ լ. 18°3′13.00″ ավ. ե. / 59.3688889° հս․. լ. 18.0536111° ավ. ե. / 59.3688889; 18.0536111
Կայք nrm.se
nrm.se


Շուէտի Բնական Պատմութեան Թանգարան (շուէտ.՝ Naturhistoriska riksmuseet), Սթոքհոլմի մէջ տեղակայուած Շուէտի բնական պատմութեան երկու հիմնական թանգարաններէն մէկը[3]:

Պատմութիւն[Խմբագրել | Խմբագրել աղբիւրը]

Թանգարանը հիմնադրուած է 1819-ին Շուէտի գիտութիւններու թագաւորական ակադեմիայի կողմէ[4], սակայն հաւաքածոն ձեռք բերուած է նուիրատուութիւններու միջոցով` ակադեմիայի հիմնադրումէն ի վեր: Հաւաքածոն առաջին անգամ հանրութեան հասանելի դարձած է 1786-ին: Թանգարանը ակադեմիայէն տարանջատուած է 1965-ին[3]:

Շուէտի բնական պատմութեան թանգարանի կողային մուտք

Վաղ պատմութեան ընթացքին ակադեմիայի հաւաքածոներու պահապաններէն եղած է Քարլ Լիննյի ուսանող եւ նաւապետ Ճէյմս Կուկի նաւարկութեան մասնակից Անտերս Սպարմանը[5]: Թանգարանի պատմութեան հետ կապուած կարեւոր անուններէն է կենդանաբան, հնէաբան եւ հնագէտ Սուէն Նիլսոնը, որ այգիի հաւաքածոներու աշխատելու ընթացքին (1828-1831) կարգի բերաւ թանգարանի անկանոն կենդանաբանական հաւաքածոն` նախքան Լունտի համալսարանին մէջ որպէս փրոֆեսոր թոշակի անցնիլը[6]:

Սթոքհոլմի Ֆրեսկատի հատուածին մէջ գտնուող թանգարանի ներկայիս շէնքերը նախագծած է ճարտարապետ Աքսէլ Անտերպերկը: Շէնքի կառուցումը աւարտած է 1916-ին: Կառոյցը կ՛աւարտի գմբէթով: 2014-ին այն եղած է Շուէտի ամենամեծ թանգարանային շէնքը[3]: Թանգարանի շէնքի հարեւանութեամբ կառուցուած է Սթոքհոլմի համալսարանի գլխաւոր վարժարանը[7]:

Թանգարանը ունի IMAX համակարգ, որ կը կոչուի Քոսմոնովա[3]: Այն նաեւ Շուէտի խոշորագոյն աստղացոյցն է[8]:

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 1,2 https://tools.wmflabs.org/heritage/api/api.php?action=search&format=json&srcountry=se-bbr&srlanguage=sv&srid=21300000015420 — 2017.
  2. 2,0 2,1 2,2 2,3 2,4 2,5 (unspecified title)
  3. 3,0 3,1 3,2 3,3 «Naturhistoriska riksmuseet»։ www.sfv.se։ Statens Fastinghetsverk 
  4. Dahlgren Erik Wilhelm (1915)։ Kungl. Svenska Vetenskapsakademien : Personförteckningar 1739–1915։ Uppsala: Kungl. Svenska Vetenskapsakademien։ էջ 16 
  5. Nyberg Kenneth (2007–2011)։ «Anders Sparrman»։ Svenskt biografiskt lexikon National Archives of Sweden (Swedish)։ 33 (2007–2011)։ Stockholm։ էջ 3
  6. Regnéll Gerhard (1990–1991)։ «Sven Nilsson»։ Svenskt biografiskt lexikon National Archives of Sweden (Swedish)։ 27 (1990–1991)։ Stockholm։ էջ 2
  7. «Byggnader inom Frescati»։ www.su.se։ Stockholm University 
  8. «Om Cosmonova»։ www.nrm.se։ Swedish Museum of Natural History