Շանթ Աւետիսեան
| Շանթ Աւետիսեան | |
|---|---|
| Ծնած է | 24 Նոյեմբեր 1951 |
| Ծննդավայր | Գահիրէ, Եգիպտոս |
| Մահացած է | 24 Նոյեմբեր 2018 (67 տարեկանին) |
| Մահուան վայր | Գահիրէ, Եգիպտոս |
| Մասնագիտութիւն | արուեստագէտ |
Շանթ Աւետիսեան (24 Նոյեմբեր 1951, Գահիրէ, Եգիպտոս - 24 Նոյեմբեր 2018, Գահիրէ, Եգիպտոս), հայ արուեստագէտ։
Կենսագրական գիծեր
[Խմբագրել | Խմբագրել աղբիւրը]Ծնած է Գահիրէ: 1967-ին աւարտած է Գահիրէի Գալուստեան հայկական վարժարանը։ 1967-ի Հոկտեմբերին սկսած է հետեւիլ նկարչութեան դասընթացներու՝ Աշոտ Զօրեանի արուեստանոցին մէջ:
1968 թուականին սկսած է զբաղիլ պաստառներու, զգեստներու, հրատարակութիւններու եւ բեմական ձեւաւորումով։
1968 Դեկտեմբերին ցուցադրած է իր ստեղծագործած Սուրբ ծննդեան բացիկները՝ «Շաքէ Ալպան» արուեստանոցին մէջ, Գահիրէ:
1969-ի Մայիսին ան ունեցած է իր առաջին անհատական ցուցահանդէսը արուեստի ուսուցչուհի Նորա Իփէկեան-Ազատեանի ղեկավարութեամբ, իսկ 1970-ի Յունիսին՝ «Carzou Hall»-ին մէջ իր երկրորդ անհատական ցուցահանդէսը․ Հոկտեմբերին տեղափոխուած է Մոնրէալ, Քանատա:
1970-1973 տարիներուն, Աւետիսեան ուսած է գեղարուեստ՝ «School of Art and Design» դպրոցին մէջ, Մոնրէալ, Քանատա, իսկ 1974-ին ուսումնասիրած է տպագրական արուեստը՝ «Ecole Nationale Supérieure des Arts Décoratifs»-ի մէջ, Փարիզ[1]:
1969-2018 թուականներու միջեւ աշխարհի զանազան երկիրներու մէջ ունեցած է աւելի քան քսանհինգ անհատական ցուցահանդէս: Շանթ որոշ շրջան ապրած է նաեւ Հայաստան, ուր հեռու եղած է պաշտօնական շրջանակներէ, եւ աւելի կապ պահած է պարզ մարդոց եւ արուեստագէտներու հետ[2]:
Ծանօթագրութիւններ
[Խմբագրել | Խմբագրել աղբիւրը]- ↑ «Շանթ Աւետիսեան․Բուրգերու երկրի հայազգի տաղանդաշատ արուեստագէտը - Darperag21» (en-US)։ 2022-01-25։ արտագրուած է՝ 2023-10-09
- ↑ «ՇԱՆԹ ԱՒԵՏԻՍԵԱՆ. ԽՈՐՀՐԴԱՒՈՐ ՈՒ ԻՄԱՍՏԱՍԷՐ»։ www.jamanak.com։ արտագրուած է՝ 2023-07-19