Նիքուրիա

Կղզի
Նիքուրիա
Νικούρια Αμοργού
Նիքուրիա, Ամորղոսէն դիտուած
Երկիր	Յունաստան․ Էգէական ծով, Քիքլատես,
Տարածութիւն	2,75 քմ²
ԲԾՄ	345 մ
Բնակչութիւն	0 (2011) մարդ
Կը գտնուի ափին	Էգէական Ծով

Նիքուրիա (յուն․՝ Νικούρια Αμοργού), Էգէական ծովու անբնակ կղզիակ, Ամորղոս, Քիքլատես, Յունաստան։ Կը գտնուի Ամորղոսին Էղեալի ծոցին դիմացը։

Կղզիին երկարութիւնն է 4,5 քլ եւ լայնութիւնը՝ 1 քլ։

Կղզին ծածկուած է ցած թուփերով եւ Էգէականի ծովային թռչուններուն հաւկիթ ածելու վայրն է։

Կղզիին վրայ կը գտնուի մատուռ մը նուիրուած Մայր Աստուածածնին։ Հոն, 1893-ին յայտնաբերուած է Գ․ դարու արձանագրութիւն մը, ծանօթ որպէս Նիքուրիայի որոշում, ուր կը նշուի Կղզեցիներուն Դաշնակցութեան (Κοινό των Νησιωτών - League of the Islanders) որոշումը՝ պաշտօնապէս մասնակիլ Պտողեմէոս Ա․ Սոթիրոսի յիշատակին նուիրուած տօնակատարութիւններուն։