Նիեփի օրը

Լռութեան տօնին յաջորդող տօնակատարութիւնները

Նիեփի օրը կամ լռութեան օրը, Պալիի մէջ, ըստ լուսնային օրացոյցին, Նոր տարին տօնելու օրն է:

Աւանդութիւն

Մարդիկ ամբողջ օրը կ'անցընեն ամբողջական լռութեան մէջ: Պալիի բնակիչներուն համար, աւանդականօրէն, այս օրը իւրաքանչիւրին համար առիթ է կեդրոնանալու իր անձին վրայ եւ մտածելու անցեալին մասին: Ամբողջ օրը ոստիկաններ կը շրջին փողոցներուն մէջ` ստուգելու համար, թէ ամէն մարդ տո՞ւնն է եւ կը մտածէ՞ իր կեանքին մասին` առանց խանգարուելու լոյսերէն, ձայնասփիւռներէն, պատկերասփիւռէն կամ խօսակցութիւններէն:

Զբօսաշրջիկներուն լուր կը տրուի, որպէսզի անոնք, առ ի յարգանք, մնան իրենց պանդոկին մէջ, ուր անոնք արտօնութիւն ունին պատկերասփիւռ դիտելու, պայմանաւ, որ անոր ձայնը ցած ըլլայ:

Տօնակատարութեան թուականներ

Ք.Ե. թուական	Պալիի թուական	Նիեփի օրը
2022	1944	3 Մարտ
2023	1945	22 Մարտ
2024	1946	11 Մարտ
2025	1947	29 Մարտ
2026	1948	19 Մարտ