Նարսիսօ Պինայեան Գարմոնա

Նարսիսօ Պինայեան Գարմոնա
Ծնած է	24 Սեպտեմբեր 1928
Ծննդավայր	Պուէնոս Այրէս
Մահացած է	1 Դեկտեմբեր 2008
Մահուան վայր	Պուէնոս Այրէս, Արժանթին
Քաղաքացիութիւն	Արժանթին
Մասնագիտութիւն	լրագրող և պատմաբան

Նարսիսօ Պինայեան Գարմոնա (սպ.՝ Narciso Binayán Carmona 24 Սեպտեմբեր 1928 Պուէնոս Այրէս - 1 Դեկտեմբեր 2008, Պուէնոս Այրէս), իրաւաբան եւ լրագրող:

Նարսիսօ Պինայեան Գարմոնա, երբեմն «կրտսեր» ածականով Narciso Binayan:

Ծնած է Պուէնոս Այրէս, 24 Սեպտեմբեր 1928-ին:

Իրաւաբանական ճիւղին հետեւած է Պուէնոս Այրէսի պետական համալսարանին մէջ, սակայն անաւարտ մնացած է:

1960-էն մինչեւ 1991 թուական Պինայեան մաս կազմած է Արժանթինի La Nacionի հնագոյն օրաթերթի խմբագրակազմին:

Աւելի ուշ մտած է լրագրական ասպարէզ, ապա գիտական թէ լրագրական առաքելութեամբ այցելած է շուրջ հարիւր երկիրներ: Հարկ է նշել, թէ Պինայեան նաեւ արժանթինեան եւ հայ մամուլը հարստացուցած է բազմաթիւ յօդուածներով:

Ամենայն Հայոց Կաթողիկոս Գարեգին Ա. ի կողմէ պարգեւատրուած է «Ս.Սահակ-Ս.Մեսրոպ» շքանշանով եւ Լեհաստանի Արժանեաց ոսկեայ շքանշանով:

Տոհմաբանութիւնը եղած էր իր հետաքրքրութեան առանցքներէն մէկը, ուր իր գլխաւոր գործը հանդիսացաւ Historia Genealogica Argentina (Արժանթինի տոհմաբանական պատմութիւն), որ լոյս տեսած է 1999 թուականին: Գիրքը նաեւ կը պարունակէ արժանթինահայ համայնքի տոհմաբանութեան մասին 20 էջնոց գրքոյկ մը:

1958-2000-ին լոյս տեսած իր յօդուածներու մէկ ընտրանին հրատարակուած է Dieciseis Estudios Genealogicos (Տասնվեց տոհմաբանական ուսումնասիրութիւններ) հատորին մէջ (2002), ուր ընդգրկած է 1978-ին «Հայ Իշխանուհի Մը Սանթիակօ Տէ Գոմփոստելայի Մէջ ԺԱ. Դարուն Իր Տոհմածառը» սպաներէն յօդուածը:

Պինայեանի այլ գործերէն նաեւ յիշենք «Անցեալի Եւ Ապագայի Միջեւ Հայ Գաղութը Արժանթինի ՄԷջ», «Սեւրի Դաշնագիրը Եւ Հայկական Հարցը» եւ այլն:

Նարսիսօ Պինայեան Գարմոնա մահացած է Պուէնոս Այրէս, 1 Դեկտեմբեր 2008-ին:

Որոշ Գործեր

Ան բազմաթիւ գիրքերու հեղինակ է.

• Narciso Binayán [Carmona], La colectividad armenia en la Argentina (Հայ Համայնքը Արժանթինի Մէջ), Պուէնոս Այրես, Alzamor Editores, 1974
• Narciso Binayán Carmona, գլուխ «Historia de la casa de la independencia» (Անկախութեան Տան Պատմութիւնը) Guillermo Furlong-ի El Congreso de Tucumán (Թուքումանի Գոնկրեսը) գիրքին մէջ։ Պուէնոս Այրես։ Theoria, 1966։
• Narciso Binayán Carmona, Entre el pasado y el futuro. Los armenios en la Argentina (Անցեալին եւ Ապագային Միջեւ։ Հայերը Արժանթինի Մէջ), Պուէնոս Այրես, s.e. (1996) ISBN 950906761X
• Narciso Binayán Carmona, Historia genealógica argentina (Արժանթինի Ծագումնաբանական Պատմութիւն), Պուէնոս Այրես։ Emecé (1999) ISBN 9500420589
• Narciso Binayán Carmona, Dieciséis estudios genealógicos (Տասնվեց Ծագումնաբանական Ուսումնասիրութիւններ), Պուէնոս Այրես։ Armerías, (2002) ISBN 9872034001

Ան նաեւ պատմական եւ ծագումնաբանական թեմաներու վերաբերեալ բազմաթիւ յօդուածներու հեղինակ է.

• «La iglesia Oriental en la Argentina» (Արեւելեան Եկեղեցին Արժանթինի Մէջ) (1969),
• «La atormentada historia del primer libro de genealogía criolla» (Գրէոլական Ծագումնաբանութեան Առաջին Գիրքին Տառապալից Պատմութիւնը) (1981),
• «La genealogía en el Africa negra» (Ծագումնաբանութիւնը Սեւ Ափրիկէի Մէջ) (1982),
• «La familia de los Incas» (Ինկաներու Ընտանիքը) (1992)։

Աղբիւրներ

• Հայկազեան Հայագիտական Հանդէս, Հատոր ԻԹ., Պէյրութ, 2009, էջ 445:

Արտաքին Յղումներ

Narciso Binayán Carmona