Նայիրի Մկրտիչեան


Ծնած է 1968
Ծննդավայր Սուրիա (Գամիշլի)
Մասնագիտութիւն Պէյրութի «Համազգայինի հայագիտական հիմնարկի» «Լեզու եւ գրականութիւն» եւ Երեւանի պետական համալսարանի Բանասիրութեան բաժանմունքի «Կրթութեան կառավարում» բաժինները
Աշխատավայր «Հայերն այսօր» ելեկտրոնային պարբերականի գլխաւոր խմբագիր
Երեխաներ Դուստր
Կայքէջ armlands.com

Նայիրի Մկրտիչեան ծնած է 1968 թուականին, Սուրիոյ Արաբական Հանրապետութեան Գամիշլի քաղաքին մէջ։ Գլխաւոր խմբագիր, Լրագրող, շաբաթաթերթի թղթակից:

Կենսագրութիւն[Խմբագրել | Խմբագրել աղբիւրը]

Նայիրի Մկրտիչեան ծնած է 1968 թուականին, Սուրիոյ Արաբական Հանրապետութեան Գամիշլի քաղաքին մէջ:

2001 թուականին աւարտած է Պէյրութի «Համազգայինի հայագիտական հիմնարկի» «Լեզու եւ գրականութիւն» բաժինը:

2001 թուականին վերջնական կայք հաստատած է Հայաստանի մէջ։

2003 թուականին աւարտած է Երեւանի պետական համալսարանի Բանասիրութեան բաժանմունքի «Կրթութեան կառավարում» բաժինը:

2001-2003 թուականներուն եղած է ԱՄՆ-ի «Հայրենիք» թերթի լրագրողը Հայաստանի մէջ:

2003 թուականէն առ այսօր Գանատայի «Հորիզոն» շաբաթաթերթի թղթակիցն է Հայաստանի մէջ, հրապարակուած յօդուածներ եւ հարցազրոյցներ ունի Սփիւռքի եւ Հայաստանի տարբեր թերթերու մէջ:

Երկու տարի եղած է Tert.am լրատուական կայքի արեւմտահայերէն բաժնի խմբագիր:

2012 թուականին հիմնուած, Հայաստանի մէջ գործող միակ եւ Սփիւռքի առաջին արեւմտահայերէն «Եռագոյն» լրատուական կայքի հիմնադիրներէն է եւ երկու տարի եղած է այդ կայքին խմբագիրը:

2014-ի Սեպտեմբերէն 2016-ի Յունուարը վարած է ՀՀ Սփիւռքի նախարարութեան «Հայերն այսօր» ելեկտրոնային պարբերականի գլխաւոր խմբագիրի պաշտօնը:

Նայիրի Մկրտիչեան եղած է ԱՄՆ-ի “Հայրենիք” եւ Գանատայի “Հորիզոն” շաբաթաթերթերու թղթակիցը Հայաստանի մէջ, հրապարակուած յօդուածներ եւ հարցազրոյցներ ունի սփիւռքի եւ Հայաստանեան զանազան թերթերու մէջ։

Նշենք, որ Նայիրի Մկրտիչեան 16 տարիէ ի վեր «Հորիզոն»ի ներկայացուցիչն ու աշխատակիցն է Հայաստանի մէջ։

24 Յունիս,2016-ին կառավարական յատուկ հրամանագրով, ՀՀ Սփիւռքի նախարարութեան համահայկական, միջազգային եւ եկեղեցական կառոյցներու հետ կապերու վարչութեան պետ նշանակուեցաւ Նայիրի Մկրտիչեան եւ վարելով նոյն պաշտօնը մինչեւ Յուլիս 31, 2017:

Կը տիրապետէ հայերէնի երկու ճիւղերուն, արաբերէն, քրտերէն եւ անգլերէն լեզուներուն:

Ամուսնացած է, ունի մէկ դուստր

Ուսուցչական ասպարէզ[Խմբագրել | Խմբագրել աղբիւրը]

Գամիշլի ապրած տարիներուն Նայիրի Մկրտիչեան եղած է հայերէն լեզուի ուսուցչուհի (12 տարի):

Միութենական եւ Հայ Դատի Անդամակցութիւն[Խմբագրել | Խմբագրել աղբիւրը]

Նայիրի Մկրտիչեան Գամիշլիի մէջ եղած է ազգային գործիչ` վարելով զանազան պաշտօններ ՀՅԴ պատանեկան միութեան վարիչ եւ դաստիարակ. Համազգայինի հայ կրթական եւ մշակութային միութեան վարչութեան, ապա շրջանային վարչութեան անդամ, սուրիոյ հայ դատի կեդրոնական յանձնախումբի անդամ:

Զեկոյց[Խմբագրել | Խմբագրել աղբիւրը]

«Գրական արեւելահայերէնի եւ արեւմտահայերէնի խնդիրներն ու մերձեցման ուղիները»

Յուլիս 29-30 ՀՀ ԳԱԱ նիստերու դահլիճէն ներս ՀՀ սփիւռքի նախարարութեան եւ ՀՀ ԳԱԱ Աճառեանի անուան լեզուի հիմնարկի նախաձեռնութեամբ կայացաւ “Արեւմտահայերէնի եւ արեւելահայերէնի մերձեցման խնդիրները” խորագիրը կրող համաժողովը:

ՀՀ սփիւռքի նախարարութեան “Հայերն այսօր” ելեկտրոնային պարբերականի գլխաւոր խմբագիր Նայիրի Մկրտիչեանի ամբողջական զեկոյցէն ստորեւ հատուածներ:

Անձնապէս կը կիսեմ այն տեսակէտը, որ Արեւմտահայերէնի նկատմամբ անտարբերութիւնը կը սկսի Սփիւռքէն, այստեղ տեղին է նշել Արամ Ա. Կաթողիկոսի խօսքը ,- «Հայ լեզուն կը նահանջէ ամէ՛ն տեղ, տարբեր կերպերով ու ամէ՛ն իմաստով… 1600 տարիներու պատմութիւնը իր ամէնէն ահաւոր զէնքերով չկրցաւ սպաննել հայ լեզուն: Այսօր մենք է, որ կը սպաննենք հայ լեզուն` երբեմն մեր անտարբերութեամբ, երբեմն մեր տգիտութեամբ, երբեմն մեր անհաւատարմութեամբ, երբեմն մեր օտարամոլութեամբ …»:[1]
- Նայիրի Մկրտիչեան


Միւս կողմէն Սահմանադրութեան համաձայն Հայաստանի պաշտօնական լեզուն գրական հայերէնն է, այսինքին՝ գրական հայերէնը իր երկու ճիւղերով՝ արեւելահայերէն եւ արեւմտահայերէն, բայց բոլորիս ալ յայտնի է, որ անհամեմատ աւելի մեծ է ուշադրութիւնը արեւելահայերէնի հանդէպ, աւելին՝ շատ քիչերը գիտեն, որ պետական լեզուի մէկ բաղադրիչը նաեւ արեւմտահայերէնն է։[1]
- Նայիրի Մկրտիչեան


Հայաստանի պաշտօնական կայքերը կը գործեն ռուսերէն, անգլերէն, արեւելահայերէն եւ ֆրանսերէն, բայց ոչ արեւմտահայերէն, միակ պաշտօնական կայքը, որ ունի արեւմտահայերէն տարբերակ ՀՀ սփիւռքի նախարարութեան պաշտօնական կայքն է։[1]
- Նայիրի Մկրտիչեան


Յօդուած[Խմբագրել | Խմբագրել աղբիւրը]

«Հայրենադարձները Իրենց Ներդրումը Ունին Հայաստանի Կայացման Եւ Զարգացման Մէջ»

Ակնարկ մը նետելով 30-ական թուականներէն առ այսօր Հայաստանի մէջ գործող մշակութային գործիչներու կենսագրութիւններուն` կ՛եզրակացնենք, որ կարկառուն դէմքերուն մեծ մասը հայրենադարձներ են, որոնք ներգաղթելով հայրենիք` մեծ դեր ունեցած են երկրի մշակութային կեանքի տարբեր ոլորտներու զարգարցման գործին մէջ եւ դարձած` հեղինակաւոր անձնաւորութիւններ:[2]
- ՆԱՅԻՐԻ ՄԿՐՏԻՉԵԱՆ-ՏԱՂԼԵԱՆ


Այո,՛ մենք` հայրենադարձներս այլմոլորակայիններ չենք, մեր մէջ ալ յաջողակներ շատ կան, ինչպէս` բժիշկներ, գործարարներ, երգիչ-երգչուհիներ, երաժշտահաններ, քաղաքագէտներ, լրագրողներ, վարպետ արհեստաւորներ ու խոհարարներ, արտադրողներ ու վաճառականներ: Մենք եւս մեր ներդրումը ունինք այսօրուան Հայաստանի կայացման ու զարգացման գործին մէջ եւ ուրախ ենք, որ կը վայելենք մեզի պատկանող երկրի մը մէջ ապրելու բերկրանքը:[2]
- ՆԱՅԻՐԻ ՄԿՐՏԻՉԵԱՆ-ՏԱՂԼԵԱՆ


Պարգեւներ[Խմբագրել | Խմբագրել աղբիւրը]

4 Հոկտեմբեր,2013-ին Սփիւռքի նախարարութեան 5ամեակին առիթով, սփիւռքի նախարար Հրանոյշ Յակոբեան,Հայաստանի վարչապետին անունով շնորհաւորեց եւ պարգեւատրեց «Եռագոյն» կայքի խմբագիր Նայիրի Մկրտիչեանին:

ՀՀ սփիւռքի նախարարը իր խօսքին մէջ ըսաւ. «Բացէք «Եռա-գոյն»ը եւ տեսէք հայրենասիրութիւնը»։
- սփիւռքի նախարար Հրանոյշ Յակոբեան


Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]