Յովհաննէս Պուճիգանեան

Յովհաննէս Պուճիգանեան
Ծնած է 1874 կամ 1873
Ծննդավայր Չնքուշ (Արեւմտեան Հայաստանի գիւղաքաղաք)
Մահացած է 1915
Մահուան վայր Խարբերդ, Էլազըղի մարզ, Թուրքիա
Մասնագիտութիւն հրապարակախօս

Յովհաննէս Պուճիգանեան (1874 կամ 1873, Չնքուշ (Արեւմտեան Հայաստանի գիւղաքաղաք) - 1915, Խարբերդ, Էլազըղի մարզ, Թուրքիա), ուսուցիչ, փիլիսոփայ, տնտեսագէտ եւ հոգեբան[1]:

Կենսագրութիւն[Խմբագրել | Խմբագրել աղբիւրը]

Ծնած է Չնքուշ 1873-ին, ուր առած է նախնական ուսումը: 1889էն մինչեւ 1896 հետեւած է Եփրատ Գոլէճի Երկրորդական ուսման:

1893-1894 տարեշրջանին Հիւսենիկի, 1896-1906-ին ալ Եփրատ Գոլէճի մէջ պաշտօնավարած է:

1906-ին Եփրատ Գոլէճի վարչութեան կողմէ պատեհութիւն տրուած է հետեւելու Էտինպուրկի Համալսարանի դասընթացքներուն: 2 տարի հետեւած է Հոգեբանութեան, Բարոյագիտութեան, Փիլիսոփայութեան եւ Տնտեսագիտութեան: Ընթացաւարտութեան ճառը առաջնութիւն շահած է:

1908-ին Եփրատ Գոլէճ վերադարձած ու վարչութիւնը իրեն տուած է Բարոյական Գիտութեանց Ուսուցչապետի Տիտղոսը (Prof. Of mental and moral sciences): Նոյն տարին սկսած է աւանդել հոգեբանութիւն, բարոյագիտութիւն, մանկավարժութիւն, տրամաբանութիւն, քաղաքական տնտեսագիտութիւն եւ փիլիսոփայութեան պատմութիւն:

Պաշտօնավարած է Գիշերօթիկնեցին, Գոլէճի վարչական ժողովին, Հ.Բ.Ը.Միութեան Խարբերդի Օժ. Մասնաճիւղին, Բալու Միացեալ Ընկերութեան Ամառնային ուսուցչանոցին մէջ:

1910-ին հրաւիրուած է Սեփաստիա Normal Schoolի տեսչութեան կողմէ Շրջանաւարտից հանդէսին «Ուղերձ»ը խօսելու:

1912-ին Հայ Գրերու 1500ամեակի եւ Տպագրութեան 400ամեակի տօնակատարութեան Եփրատի սաներուն եւ Խարբերդի հայ հասարակութեան թափորին գլուխը անցած Խարբերդէն Մէզիրէ գալեց, ուր ներկայացուց իր ճառը:

Փրոֆէսորը իր սաներուն եւ զինք ճանչցող բարեկամներուն կողմէ կոչուեցաւ Խարբերդի Սոկրատը:

Մահացած է 1915-ին Խարբերդի մէջ:

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

  • Յուշարձան 1919, Կ. Պոլիս, Օ. Արզումանեան, էջ 57։