Յակոբ Հաճեան
| Յակոբ Հաճեան | |
|---|---|
| Ծնած է | 1828 |
| Ծննդավայր | Պոլիս, Օսմանեան Կայսրութիւն |
| Մահացած է | 1903 |
| Քաղաքացիութիւն |
.svg){kind=small} Օսմանեան Կայսրութիւն |
| Մասնագիտութիւն | հրապարակախօս, Խմբագիր, արձակագիր |
| Աշխատավայր |
Միմոս (հանդէս) Ծաղիկ Մանզումէի Էֆքեար |
Յակոբ Հաճեան (1828, Պոլիս, Օսմանեան Կայսրութիւն - 1903), հայ արձակագիր, հրապարակախօս եւ խմբագիր։
Կեանք եւ գործունէութիւն
[Խմբագրել | Խմբագրել աղբիւրը]Ծնած է Կ. Պոլիս, ուր ստացած է կրթութիւնը։ Գրական-հրապարակախօսական ասպարէզ մտած է 1860-ականներոի կեսերէն, աշխատակցելով պոլսահայ մամուլին։
Իբրեւ խմբագիր
[Խմբագրել | Խմբագրել աղբիւրը]1875-1877 թուականներուն խմբագրած է «Միմոս» երգիծաթերթը, 1897-1898 թուականներուն՝ «Ծաղիկ» պարբերականը։
1901 թուականէն մինչեւ մահ եղած է «Մանզումէի էֆքեար» թերթի օգնական խմբագիրը։
Իբրեւ վիպագիր
[Խմբագրել | Խմբագրել աղբիւրը]1869 թուականին Կ. Պոլսոյ մէջ լոյս տեսած է անոր «Հեղինէ կամ գաղտնիք մը ի Կոստանդնուպոլիս» վէպը, որ յետագային արժանացած է քանի մը տպագրութիւններու (Բ․ տպ.՝ 1909, Գ․ տպ.՝ 1925)։
1886 թուականին տպագրած է «Բերայի գիշերները» արկածային վէպը, որ նոյնպէս վերահրատարակուած է 1914 եւ 1927 թուականներուն։
Անոր «Կորուսեալ կտակը» վէպն ալ իբրեւ թերթօն տպագրուած է «Ծաղիկ» պարբերականին մէջ, 1896 թուականին։
Ասոնցմէ բացի՝ 1897-1898 թուականներոին մաս-մաս լոյս ընծայած է «Մոզայիք 999 հատիկներով» ստուար ժողովածուն, որ մանրապատումներ են[1]։
Ծանօթագրութիւններ
[Խմբագրել | Խմբագրել աղբիւրը]- ↑ Գառնիկ Ստեփանեան (1981)։ Կենսագրական բառարան, Բ․ հատոր։ Երևան: «Սովետական գրող»։ էջ 150-151։
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|