Մովսէսի Կամուրջ
Մովսէսի կամուրջ (հոլ.՝ Mozesbrug), Նիտերլանտներու Պերխէն օպ Զոմ համայնքին մէջ գտնուող[1] Ֆորդ տէ Ռուվեր պաստիոնի խրամը հատող «սուզուած» հետիոտն կամուրջ է[2]։
Պատմութիւն
[Խմբագրել | Խմբագրել աղբիւրը]17-րդ դարուն Արեւմտեան Պրապանտի մէջ Սպանիոյ եւ Ֆրանսայի յարձակումներէն պաշտպանուելու համար կառուցուած են շարք մը ամրոցներ եւ խրամներ։ Անոնցմէ մէկուն՝ Ֆորդ տէ Ռուվերի խրամի խորութիւնը այնքան էր, որ հետեւակը չկարողանար անցնիլ, եւ այնքան ծանծաղ էր, որ նաւարկելի չըլլար։ Նափոլեոնեան պատերազմներէն ետք ամրոցը լքուած է։ Մինչեւ 2010-ի վերականգնումը խրամին մէջ ջուր չէ եղած, իսկ ափերը ծառերով պատուած են[3]։
Վերականգնում
[Խմբագրել | Խմբագրել աղբիւրը]Ֆորդ տէ Ռուվերի պաշտպանութեան եւ վերականգնման համար հիմնուած է «Ֆորդ տէ Ռուվերի բարեկամներ» հիմնադրամը[4]։ Անոր պատուերով RO & AD Architecten ճարտարապետական գրասենեակի ճարտարապետներ Էոյ Քոսթերը եւ Ատ Քիլը[3] 2010-ին նախագծած են այմպիսի կամուրջ, որ չէր խաթարէր ամրոցի խրամի անմատչելիութեան պատրանքը[5]։ Քանի որ, կամուրջը կիսաընկղմուած է ջուրին մէջ եւ հեռուէն նայողին չերեւիր, դիտողի մօտ պատրանք կը ստեղծուի, որ մարդիկ կ՚անցնին ջրուի մէջով։ Նմանեցնելով Աստուածաշունչի Մովսէսի Կարմիր ծովը անցնելուն, կամուրջը անուանած են «Մովսէսի կամուրջ»[6][7]։
Կամուրջի կազմութիւնն ու նիւթերը
[Խմբագրել | Խմբագրել աղբիւրը]Կամուրջը պատրաստուած է սաղարթաւոր ծառի Accoya ապրանքանիշի փայտէն, որ սովորաբար կ՚օգտագործուէր նաւերու տախտակամածներուն համար եւ մշակուած է յատուկ հակասնկային նիւթով[8]։ Անջրաթափանցիկութեան համար, արտաքինէն պատուած է նրբաթիթեղով[9]։ Ջուրը երբեք չի բարձրանար եւ չի լեցուիր կամուրջէն ներս, քանի որ անոր մշտական մակարդակը կ՚ապահովուին խրամի երկու ծայրերուն գտնուող ամբարտակները։ Տեղումներու ժամանակ կամուրջի մէջ լցուած ջուրը դուրս կը մղէ այնտեղ տեղադրուած պոմպի միջոցով[3]։
Ծանօթագրութիւններ
[Խմբագրել | Խմբագրել աղբիւրը]- ↑ Moses Bridge
- ↑ Sunken Pedestrian Bridge in the Netherlands Parts Moat Waters Like Moses!
- ↑ 3,0 3,1 3,2 Sunken Moses Bridge in Netherlands gives you walking across water effect[permanent dead link]
- ↑ «Fort de Roovere @ Starforts.com»։ www.starforts.com։ արտագրուած է՝ 2019-10-03
- ↑ «Moses Bridge / RO&AD Architecten»։ ArchDaily (en-US)։ 2019-07-04։ արտագրուած է՝ 2019-10-03
- ↑ «Sunken Pedestrian Bridge in the Netherlands Parts Moat Waters Like Moses!»։ Inhabitat։ արտագրուած է՝ 18 October 2017
- ↑ «'Invisible' bridge UNDER moat waterline of 17th century fortress, built by Dutch engineers»։ Daily Mail Online։ November 16, 2011։ արտագրուած է՝ July 7, 2015
- ↑ «The Moses Bridge – a Place Where Water Divides, The Netherlands»։ արխիւացուած է բնօրինակէն-էն՝ 2013-08-19-ին։ արտագրուած է՝ 2019-12-01
- ↑ Holy Moses! Miraculous 'bridge' parts the water at top tourist attraction