Միութիւն (թերթ, Թիֆլիս)

«Միութիւն», գրական-գեղարուեստական, հասարակական շաբաթաթերթ։ Ընդհանուր հայ աշակերտական միութեան օրգան։ Լոյս տեսած է 1917-1919-ին, Թիֆլիսի մէջ։ Խմբագիրներ՝ Գ․ Աբովեան, Ս․ Էլբակեան։ Լուսաբանած է դպրոցական կեանքը Անդրկովկասի մէջ, արծարծած կրթութեան եւ դաստիարակութեան հարցեր։ Մեծ ուշադրութիւն նուիրած է մայրենի լեզուով ծրագրերու ստեղծման ու կատարելագործման, պարբերաբար անդրադարձած է հայոց լեզուի ու գրականութեան, պատմութեան, աշխարհագրութեան եւ այլ առարկաներու ուսուցման խնդիրներուն՝ այդ նպատակով մեթոդական օգնութիւն ցոյց տուած ուսուցիչներուն։ «Միութիւն»-ը տպագրած է լուրեր Անդրկովկասի մշակութային, գրական, հասարակական կեանքէն, գեղարուեստական ստեղծագործութիւններ, բանավիճային յօդուածներ։ Աշխատակցած են Գ․ Քացաղեանը, Ա․ Քանանեանը, Ս. Ամիրխանեանը, Հ․ Շեկոյեանը, Վ. Մաղալեան եւ ուրիշներ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։