Մեսինիաքոս ծոց

Մեսինիաքոս ծոց Μεσσηνιακός κόλπος
Մեսինիաքոս ծոց
դասաւորում
Երկիր	Յունաստան
Ջրատարածութիւն	Յոնիական ծով
Լայնութիւն	23 ծովային մղոն քմ
Մեսինիաքոս ծոցին դիրքը

Մեսինիաքոս ծոց (յուն․՝ Σαρωνικός κόλπος), Յոնիական ծով, Պելոպոնես, Յունաստան։ Կը տարածուի Մեսինիա եւ Մանի թերակղզիներուն միջեւ։

Աշխարհագրական տուեալներ

Մեսինիաքոս ծոցը կը գտնուի Պելոպոնեսին հարաւ-արեւմուտքը։ Սահմաններն են Թենարօ եւ Աքրիթաս հրուանդանները։ Ծոցին ամենալայն մասը 23 ծովային մղոն է։ Ծոցին երկու ափերուն կան բազմաթիւ հրուանդաններ եւ խորշեր։

Ծովեզրերուն կը գտնուին բազմաթիւ բնակավայրեր։ Գլխաւոր քաղաքն է Գալամաթա, որ կը գտնուի ծոցին խորը։ Ուրիշ կարեւոր բնակավայրեր են՝ Քորոնի, Փեթալիտի (արեւմտեան ափերուն) եւ Քարտամիլի, Աւիա, Սթուփա, Նէօ Իթիլօ եւ Երոլիմենաս (արեւելեան ափերուն)։

Մեսինիաքոս ծոցը, ինչպէս նաեւ Միսինիա դաշտը կը կազմեն երկրաբանական խրամ մը։ Անոր արեւելքին կը բարձրանայ Թայիղեթոս լեռը։

Երկրաշարժներ

Մեսինիաքոս ծոցը, արբանեակէ նկարուած

Շրջանը յաճախակի ուժգին երկրաշարժներու ենթակայ է, ինչպէս օրինակ 1947-ի եւ 1986-ի։ Վերջին 5-6 միլիոն տարիներու երկրաշարժները 3 քիլոմեթր խորութեամբ հողին նստում յառաջացուցած են։ Ծոցին խորութիւնը անհամաչափ է․ խորագոյն կէտերը 1․100մ․ կը հասնին եւ կը գտնուին ընդծովեայ հովիտի մը զուգահեռ եւ արեւելեան ափին մօտ։ Արեւմտեան կողմը համեմատաբար աւելի մեղմ ելեւէջեր ունի։

Գետեր - Կղզիներ

Փամիսոս եւ Նետոնաս գետերը կը թափին ծոցին մէջ․ անոնց գետաբերանները կը գտնուին ծոցին հիւսիսային կողմը։

Ծոցին մէջ կղզի գոյութիւն չունի։ Միայն անոր արեւմտեան մուտքին կայ Վենեթիքօ կղզեակը։