Մեղալի Սթրոկիլի, Լիհատես

Կղզիակ
Մեղալի Սթրոկիլի, Լիհատես, Էվիա
Στρογγυλή Λιχάδος Ευβοίας
Մեղալի Սթրոկիլի, Լիհատես
Երկիր	Յունաստան, Էվոյիքոս ծոց
Շրջան	Յունաստան
Բնակչութիւն	0 մարդ (2011) և 6 մարդ (1951)

Մեղալի Սթրոկիլի (յուն․՝ Μεγάλη Στρογγυλή )․ հիւսիսային Էվոյիքոս ծոցի հրաբխային անբնակ կղզիակ, Լիհատես, Յունաստան։

Ընդհանուր տեղեկութիւններ

Մեղալի Սթրոկիլի Լիհատես հրաբխային կղզեխումբին երկրորդ մեծ կղզիակն է (մեծագոյնը՝ Մոնոլիա)։ Կը պատկանի Իսթիէա-էտիփսոս քաղաքապետութեան (Էվիա)։ Մինչեւ 1960 կղզին ունէր մնայուն բնակաչութիւն։ Բարձրագոյն կէտը 14 մեթր է։

Կանանչապատ կղզիակին բուսական հարստութիւնը ցած թուփերն եւ «ֆրիղանա»ներն* են։ ւԼիհատես կղզեխումբին մնացեալ կղզիակներուն հետ յայտարարուած է «Բացառիկ բնական գեղեցկութեամբ վայր» (Τοπίο Ιδιαίτερου Φυσικού Κάλους - Τ.Ι.Φ.Κ.)։

Ֆրիղանա․ ցած փուշոտ փոքր տերեւներով բուրաւէտ թուփեր, որոնք գարնան եւ ամռան կը ծաղկին, ինչպէս օրինակ ծոթրինը, վիմավարդը, հազարածաղիկը, եռաբլթակ եղիսպակը, ցախեայ, ծնեբիկը, եւայլն։

Քարաշէն փարոս

1870-ին կղզիակին վրայ կը կառուցուի 9 մեթր բարձրութեամբ փարոս մը։ Փարոսին բարձրութիւնը իր յենարանին հետ 41 մեթր է։ Մինչեւ այսօր կը գործէ։