Ճուլիէթ Գալստեան
| Ճուլիէթ Գալստեան |
|---|
Ճուլիէթ Գալստեան (20 Դեկտեմբեր 1971[1], Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ օփերային երգչուհի:
Ժընեւի երաժշտանոցի ձայնամարզութեան փրոֆեսէօր, ինչպէս նաեւ` միջազգային մրցոյթներու դափնեկիր:
Կեանք եւ գործունէութիւն[Խմբագրել | Խմբագրել աղբիւրը]
Ծնած է Երեւան, այնպիսի ընտանիքի մը մէջ, որ տասնամեակներ շարունակ օփերայի նշանաւոր երգիչներ, երաժիշտներ եւ պալէի յայտնի պարողներ տուած է աշխարհին: Հայրը` Վիլեն Գալստեանը, հայկական պալէի դպրոցի հիմնադիր, յայտնի պալէ պարող եղած է:
Դաշնամուրին զուգահեռ, Ճուլիէթ սորված է երգեցողութիւն՝ տատիկէն («Մարիա»նա Յարութիւնեանէն)[2]:
Երաժշտանոցը աւարտելէ ետք մասնակցած է շատ մը մրցոյթներու եւ գրաւած առաջին, երկրորդ մրցանակային տեղեր:
Իտալիոյ Վերչելլի քաղաքի Վիոթթիի մրցոյթին առաջին մրցանակ ստանալէ ետք իտալական մամուլը զինք կնքած է «Վիոթիի թագուհի» անունով:
Երգած է հեղինակաւոր օփերայի դահլիճներու մէջ։ Շատ յայտնի երգիչներու հետ բեմ բարձրացած եւ երգած է անոնց հետ:
Մարմնաւորած կերպարներ[Խմբագրել | Խմբագրել աղբիւրը]
Մարմնաւորած է համաշխարհային օփերաներու բազմաթիւ կերպարներ, համագործակցած է Եւրոպայի եւ Ռուսիոյ առաջնակարգ սիմֆոնիք նուագախումբերու հետ, աշխատած է մեծահամբաւ խմբավարներու հետ:
Ան երգած է աշխարհի բոլոր բեմերուն վրայ, ինչպէս Նորվեկիա՝ Պըրկըն քաղաքին մէջ, Վերտիի «Նապուքօ» օփերան․ ինչպէս նաեւ Զուիցերիա:
Մրցանակներ[Խմբագրել | Խմբագրել աղբիւրը]
- Մարիա Քալլաս մրցոյթի 3-րդ մրցանակ, Յունաստան, 1995,
- Վիոթթիի 1-ին մրցանակ, Իտալիա, 1995,
- «Կոմիտաս»ի մետալ եւ պատուոյ գիր[3],
- Միջազգային մրցոյթներու դափնեկիր։
Ծանօթագրութիւններ[Խմբագրել | Խմբագրել աղբիւրը]
- ↑ http://am.hayazg.info/index.php?curid=4583
- ↑ «AV Production - Ճուլիէթ Գալստեան»։ avproduction.am։ արխիւացուած է բնօրինակէն-էն՝ 2022-08-06-ին։ արտագրուած է՝ 2020-12-01
- ↑ «Կին Դէմքեր. Ճուլիէթ Գալստեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2016-07-28։ արտագրուած է՝ 2020-12-01