Հոգեկան Առողջութեան Համաշխարհային Օր
Հոգեկան Առողջութեան Համաշխարհային Օր (անգլերէն՝ World Mental Health Day), 1992 թուականէն սկսեալ ամէն տարի` Հոկտեմբեր 10-ին, կը նշուի Հոգեկան առողջութեան միջազգային օրը[1]։
Պատմութիւն
[Խմբագրել | Խմբագրել աղբիւրը]
1992-ին Հոգեկան առողջութեան համաշխարհային ֆետերասիոնն ու Առողջապահութեան համաշխարհային կազմակերպութիւնը (ԱՀԿ) Հոկտեմբեր 10-ն հռչակած են հոգեկան առողջութեան միջազգային օր: Դեռեւս 1948 թուականին ԱՀԿ-ի կողմէ սահմանուած է, որ առողջութիւնը «ֆիզիքական, հոգեկան եւ ընկերային ամբողջական լաւակեցութիւնն է եւ ո՛չ միայն հիւանդութեան կամ ֆիզիքական արատի բացակայութիւն»:
Տoնին հիմնական նպատակը միշտ եղած է հասարակութան ուշադրութիւնը հրաւիրել հոգեկան առողջութեան հիմնախնդիրներուն[2], ինչպէս նաեւ նախապահպանութեան ու հոգեկան բուժման հանդէպ բնակչութեան իրազեկուածութեան աստիճանաչափի բարձրացման վրայ։
Օրուան Թեմաներ
[Խմբագրել | Խմբագրել աղբիւրը]Օրացոյցի այս օրը ամէն տարի, համայն մարդկութեան համար, խորհուրդով մը կը ներկայանայ։ Իսկ օրուան խորհուրդն է անգամ մը եւս հասարակութեան, պետութիւններուն, կառավարութիւններուն, կազմակերպութիւններուն եւ անհատներուն ուշադրութիւնը հրաւիրել հոգեկան առողջութեան խնդիրներու եւ հիմնախնդիրներու վրայ[3]․ ահաւասիկ որոշ տարիներու կարգախօսը․
- 1996 - «Կանայք եւ հոգեկան առողջութիւնը»
- 1997 - «Երեխաները եւ հոգեկան առողջութիւնը»
- 1998 - «Հոգեկան առողջութիւն եւ մարդու իրաւունքներ»
- 1999 - «Հոգեկան առողջութիւն եւ տարեցներ»
- 2000-2001 - «Հոգեկան առողջութիւն եւ աշխատանք»
- 2002 - «Բռնութեան եւ դաժանութեան ազդեցութիւնը երեխաներու եւ դեռահասներու վրայ»
- 2003 - «Երեխաներու եւ դեռահասներու յուզական եւ վարքային խանգարումները»
- 2004 - «Ֆիզիքական եւ հոգեկան խանգարումներու փոխյարաբերութիւնը»
- 2005 - «Ֆիզիքական եւ հոգեկան խանգարումները անձի կեանքի ընթացքին»
- 2006 - «Հոգեկան առողջութիւն եւ ինքնասպանութիւն»
- 2007 - «Հոգեկան առողջութիւնը փոփոխութեան ենթարկուող աշխարհին մէջ. մշակոյթի եւ մշակութային տարբերութիւններու դերը»
- 2008 - «Հոգեկան առողջութիւնը դարձնենք համաշխարհային գերակայութիւն, ընդլայնենք քաղաքացիական պատասխանատուութիւնը եւ աշխոյժ կենսագործունէութիւն լուսաբանող ծառայութիւններու թիւը»
- 2009 - «Հոգեկան առողջութեան պահպանութիւնը առաջին բուժօգնութեան համակարգէն ներս, բուժման բարելաւում եւ հոգեկան առողջութեան աջակցութիւն»
- 2010 - «Չկայ առողջութիւն առանց հոգեկան առողջութեան»
- 2011 - «Ներդրումները հոգեկան առողջութեան ոլորտէն ներս»
- 2012 - «Ընկճուածութիւն․ ընդհանուր ճգնաժամ»
- 2013 - «Հոգեկան առողջութիւն եւ հասունութիւն»
- 2014 - «Կեանքը շիզոֆրենիայով»
- 2015 - «Հոգեկան առողջութիւնը եւ անձի արժանապատուութիւնը»
Ծանօթագրութիւններ
[Խմբագրել | Խմբագրել աղբիւրը]- ↑ Jenkins Rachel, Lynne Friedli, Andrew McCulloch, Camilla Parker (2002)։ Developing a National Mental Health Policy։ Psychology Press։ էջ 65։ ISBN 1-84169-295-6(անգլերէն)
- ↑ «World Mental Health Day»։ Mental Health in Family Medicine 7 (1): 59–60։ 2010 (անգլերէն)
- ↑ World Mental Health Day 2016: Psychological first aid(անգլերէն)<