Լոս Անճելըսի Հայերը

Jump to navigation Jump to search

Լոս Անճելըսի Հայերը, սկզբնական շրջանին հայերու մեծ մասը զբաղուած էր գիւղատնտեսութեան եւ արդիւնաբերութեան մէջ։ Ներկայիս մեծ թիւ կը կազմեն մտաւորականները (ճարտարագէտներ, դասախօսներ, բժիշկներ, փաստաբաններ, արուեստագէտներ), նաեւ խոշոր արդիւնաբերողները, գործարանատէրերն ու առեւտրականները։ Համայնքի ազգային կեանքը կը կազմակերպեն եկեղեցին, ազգային կուսակցութիւններու տեղական կազմակերպութիւնները, հայրենակցական, մշակութային, կրթական ու մարզական միութիւնները։ Լոս Անճելեսը Հայ առաքելական եկեղեցւոյ ԱՄՆ-ի Արեւմտեան թեմի կենդրոնն է. կը գործեն 25 առաքելական (17-ը՝ էջմիածնապատկան, 8-ը՝ անթիլիասապատկան), 6 աւետարանական, 1 կաթոլիկ եկեղեցիներ։ 1964-ին բացուած է առաջին ամէնօրեայ դպրոցը՝ Սրբոց Նահատակաց Ֆերահեան ազգային երկրորդական վարժարանը[1], այնուհետեւ՝ Մեսրոպեան ազգային վարժարանը, Ռոզ եւ Ալեք Փիլիպոս, Մանուկեան-Տեմիրճեան, Վահան եւ Անուշ Շամլեան, Մխիթարեան հայրերու, Սահակ-Մեսրոպ հայ քրիստօնեայ, Արշակ Տիգրանեան, Շառլոթ եւ Էլիզ Մերդինեան աւետարանական, Ալֆրետ եւ Մարգարիդ Յովսեփեան (Սուրբ Գրիգոր Լուսաւորիչ), Հայ քոյրերու, Արի Կիրակօս Մինասեան, «Մաշտոց» երեկոյեան եւ շաբաթօրեայ հայոց լեզուի վարժարանները, Էմմանուել Աստուածաշնչի, Մաշտոց քոլեճները, Աստուածաբանական բարձրագոյն դպրոցը։ կը գործեն նաեւ մէկօրեայ դպրոցներ։ 1976-1992-ին գործած է Լա Վեռնի Ամերիկահայ միջազգային քոլեճը։ Քալիֆորնիայի նահանգային համալսարանին (UCLA) կը գործեն Գրիգոր Նարեկացու անուան հայագիտական եւ հայ կրթական հիմնարկութեան հայ ժողովրդի արդի պատմութեան ամպիոնները[2]։

Ծանօթագրութիւններ[Խմբագրել | Խմբագրել աղբիւրը]

  1. «ՀԱՐՑԱԶՐՈՅՑ՝ «ՖԵՐԱՀԵԱՆ» ԱԶԳԱՅԻՆ ՎԱՐԺԱՐԱՆԻ ՏՆՕՐԷՆ ԺԱՆ ԳՈՍԱԳԵԱՆԻ ՀԵՏ»։ Asbarez - Armenian (en-US)։ 2011-12-31։ արտագրուած է՝ 2019-09-26 
  2. ««Ապրող Սփիւռք» Միօրեայ Ձեռնարկ UCLA-ի Մէջ»։ Asbarez - Armenian (en-US)։ 2018-10-18։ արտագրուած է՝ 2019-09-26