Իսաք Կուսթաֆ Քլասոն

Իսաք Կուսթաֆ Քլասոն (շուէտ.՝ Isak Gustaf Clason, 30 Յուլիս 1856, Փալուն – 19 Յուլիս 1930, Ռաթվիք)՝ շուէտացի ճարտարապետ եղած է:

Կենսագրութիւն

Իսաք Կուսթաֆ Քլասոնը իր կնոջ հետ, 1915

Քլասոնը ուսանած է ճարտարագիտութիւն, այնուհետեւ՝ ճարտարապետութիւն Սթոքհոլմի թագաւորական թեքնոլոճիական հաստատութենէն ներս եւ ապա աւելի ուշ՝ Գեղարուեստի ակադեմիոյ ճարտարապետական դպրոցէն ներս: Ան 1881-ին ստացած է թագաւորական մետալ եւ արտերկիրի մէջ ուսանած է 1883-1886-ին: Ան Գեղարուեստի ակադեմիոյ անդամ ընտրուած է 1889-ին, նշանակուելով ճարտարապետութեան փրոֆեսոր Թագաւորական թեքնոլոճիական հաստատութեան: Ան Գեղարուեստի ակադեմիոյ փոխնախագահ դարձած է 1902-ին եւ նախագահ՝ 1918-ին:

Գործունէութիւն

Ուփսալայի համալսարանի մասնաշէնք

Մասնաշէնքին նախագիծը

Անոր առաջին խոշոր աշխատանքը եղած է սղոցարանի տէր Փրիտրիխ Պիւնսօույի Friedrich Bünsow համար ֆրանսական վերածնունդի ոճով շինուած տունը (1886-1888) Սթոքհոլմի մէջ, օգտագործելով նոր բնական նիւթեր՝ կրաքար ու նաեւ՝ թրծած աղիւս, շուէտական ճարտարապետութեան մէջ մինչ այդ առաւելապէս օգտագործուող ծեփածածկոյթի փոխարէն: Ան նաեւ շինած է Սթոքհոլմի Օսթերմալմսհալէն (Östermalmshallen 1889) ծածկած շուկայի շէնքը եւ քանի մը բնակելի շէնքեր:

Անոր ամէնամեծ ստեղծագործութիւնը Հիւսիսային թանգարանը եղած է Տիւրկարտէնի Djurgården մէջ, Հիւսիսեւրոպական ռէնեսանսի ոճով:

Իսաք Կուսթաֆ Քլասոնը վախճանած է 1930-ին, մարմինը թաղուած է Սթոքհոլմի Նորրա պեկրավնինկսփլաթսէն գերեզմանատան մէջ:

Արտաքին յղումներ

• «Nordisk familjebok» (Swedish)  շուէտ.՝ {{{1}}}