Ժան Ալմուխեան
 |
Ուիքիփետիայի՝ ազատ հանրագիտարանի կողմէն Ուշադրութի՛ւն, այս յօդուածը աղբիւրներու կարիք ունի։ |
| Ժան Ալմուխեան |
|---|
Ժան Ալմուխեան (ծն.` 1932, Յունաստան - մահ.՝ 14 Մայիս, 2021, Պուէնոս Այրէս)[1], յայտնի երգահան ու խմբավար:
Կենսագրութիւն
[Խմբագրել | Խմբագրել աղբիւրը]Ալմուխեան ծնած է 1932-ին, Յունաստան: 1947-ին ընտանիքով հաստատուած է Արժանթին։ Ուսած է Արժանթինի ականաւոր վարպետներուն մօտ: 1957-ին խումբ մը արուեստասէր ընկերներու հետ հիմնած է «Հայ երաժշտութեան բարեկամներ» ընկերակցութիւնը եւ «Արաքս» երգչախումբը, որուն գեղարուեստական ղեկավարը եղած է մինչեւ օրս:
Ժան Ալմուխեանը հեղինակած է նշանակալի թիւով երաժշտական ստեղծագործութիւններ` երգչախմբային, սենեկային, սիմֆոնիկ, դաշնամուրային, մեներգներ, որոնք բազմիցս կատարուած են ինչպէս Արժանթին, այնպէս ալ` այլ երկիրներ, ինչպէս` Իտալիա, Պոլիվիա, Զուիցերիա, Ուրուկուէյ եւ այլն:
10 Հոկտեմբեր, 2012-ին, Հայաստանի սփիւռքի նախարարութեան «Իմ Հայաստան» համահայկական փառատօնի ծիրին մէջ տեղի ունեցած է Ժան Ալմուխեանի 80-ամեակին եւ 55-ամեայ երաժշտական գործունէութեան մեծարման նուիրուած երեկոն՝ «Արամ Խաչատրեան» համերգասրահին մէջ[1]:
Ժան Ալմուխեանի վաստակը գնահատած է Հայաստանի Սփիւռքի նախարար Հրանոյշ Յակոբեան, որ զայն պարգեւատրած է նախարարութեան ոսկի մետալով:
|
«Ես շատ եղած եմ Հայաստանի մէջ, ունեցած եմ համերգ, արժանացած եմ ջերմ ընդունելութեան: Սակայն այսօրուայ հանդիսութիւնը եւ այս բարձր շքանշանը պիտի կրեմ մեծ պատուով եւ ոգեւորութեամբ», նշած է - Ժան Ալմուխեան
|
|
|
|
«Որքան Կարողացած Եմ, Իմ Արուեստս Ծառայեցուցած Եմ Հայապահպանութեան Նպատակին» Կ՛ըսէ - Ժան Ալմուխեան
|
|
2011-ին, Հայաստանի անկախութեան 20-ամեակի առիթով, սփիւռքի նախարարութիւնը Ժան Ալմուխեանին պարգեւատրած էր «Կոմիտաս» շքանշանով:
18 Մարտին 2014-ին Հայաստանի անկախութեան 22-րդ ամեակին առիթով, Պուէնոս Այրէսի Հայ կեդրոնի «Սիրանոյշ» սրահին մէջ տեղի ունեցաւ արժանթինահայ նշանաւոր երգահան եւ խմբավար Ժան Ալմուխեանի մեծարման երեկոն, ուր յանձնուեցաւ Հայաստանի նախագահ Սերժ Սարգսեանի հրամանագիրը եւ մաէսթրօ Ժան Ալմուխեանը պարգեւատրուեցաւ «'''Մովսէս Խորենացի'''» մետալով:
|
|
այսուհետեւ եւս յանձնառու եմ շարունակելու իմ հայրենանուէր ծառայութիւնը հայ արուեստի զարգացման եւ տարածման գործին մէջ: - Ժան Ալմուխեան
|
|
Ալմուխեանը անդամ է «Սատաիք»-ի (Արժանթինի յօրինողներու ընկերութեան):