Թագաւորական Մետաղադրամներու Գրասենեակ

Jump to navigation Jump to search
Թագաւորական Մետաղադրամներու Գրասենեակ
Myntkabinettet.jpg
Տեսակ դրամագիտական հավաքածու եւ ազգային թանգարան
Երկիր Flag of Sweden.svg Շուէտ
Տեղագրութիւն Սթոքհոլմ
Վայր Գամլա ստան
Մասն է Շուէտի ազգային պատմական թանգարաններ
Հասցէ Slottsbacken 6, 111 30 StockholmՍլոտսբակեն
Հիմնադրուած է 1572
Հաւաքածոյի չափ 600 000
59°19′34.28″ հս․ լ. 18°4′22.44″ ավ. ե. / 59.3261889° հս․. լ. 18.0729000° ավ. ե. / 59.3261889; 18.0729000
Կայք myntkabinettet.se

Թագաւորական մետաղադրամներու գրասենեակ (շուէտ.՝ Kungliga Myntakabinettet), դրամագիտական թանգարան, որ կը գտնուի Սթոքհոլմի պատմական կեդրոնը եւ կը համարուի Շուէտի հնագոյն թանգարաններէն մէկը: Թանգարանը նուիրուած է փողի եւ, ընդհանրապէս, տնտեսութեան պատմութեան[1]:

Պատմութիւն[Խմբագրել | Խմբագրել աղբիւրը]

Թանգարանի հիմնադիրը կը համարուի արքայ Եուհան Գ.-ը, որ կը հաւաքէր հին շուէտական մետաղադրամներ, որպէսզի հիմնաւորէ Շուէտի ազգային զինանշանի վրայ երեք թագեր պատկերելու իրաւունքը: Կը պարզուի, որ երեք թագերը շուէտական մետաղադրամներու վրայ պատկերուիլ սկսած են 16-րդ դարէն: Մինչեւ 1630 հաւաքածոյին մէջ կը հաշուառուէր ընդամէնը 57 մետաղադրամ եւ մետալ: Տարիներու ընթացքին թանգարանի հաւաքածոն համալրուած է նուիրատուութիւններու, այլ հաւաքածոներու ձեռք բերման եւ պեղումներու ընթացքին յայտնաբերուած առարկաներու հաշուին: Կարեւոր ձեռքբերում կատարուեցաւ 1974-ին, երբ Մետաղադրամներու գրասենեակը ձեռք բերաւ մեծ քանակութեամբ տարբեր դրամատնային փաստաթուղթեր (բաժնետոմսեր, հաւաստագրեր եւ այլն): Թանգարանի հաւաքածոն համալրուեցաւ աւելի քան 18000 արծաթէ մետաղադրամներով Սթոքհոլմի կեդրոնը 1741-ին թուագրուած «The Lohe Hoard» գանձի յայտնաբերումէն ետք[2]:

Ներկայիս թանգարանային հաւաքածոյին մէջ հաշուառուած են շուրջ 600000 մետաղադրամներ, թղթադրամներ, մետաղանիշեր, պարտաւորագրեր, հաւաստագրեր, բաժնետոմսեր, դրամապանակներ եւ այլ նիւթեր: Առանձնայատուկ հետաքրքրութիւն կը ներկայացնեն առաջին շուէտական պղինձէ մետաղադրամները, որոնք հատուած են 10-րդ դարու վերջը, Օլաֆ Սքէդքոնունկ թագաւորի օրով, 1644-ին Քրիստինա թագուհիի օրով հատուած 19,7 քկ կշիռքով մետաղադրամը, 1661-ին տպագրուած Սթոքհոլմի Դրամատան՝ աշխարհի առաջին թղթադրամները, Վայմարեան հանրապետութեան ժամանակաշրջանի դրամներ, Նոպէլեան մետալներ:

Թանգարանի հիմնական բաժիններն են`

  • Համաշխարհային դրամներ
  • Շուէտական մետաղադրամներ
  • Խնայողական դրամատուներ եւ խնայատուփեր
  • Պետական ֆինանսներ
  • Մետալներու արուեստ
  • Գանձերու մոգութիւն
  • Tally Up! (բաժին երեխաներու համար)

Ծանօթագրութիւններ[Խմբագրել | Խմբագրել աղբիւրը]

  1. «61-62 (Nordisk familjebok / Uggleupplagan. 19. Mykenai - Norrpada)»։ runeberg.org (շվեդերեն)։ 1913։ արտագրուած է՝ 2019-10-04 
  2. «THE ROYAL COIN CABINET - National Museum of Economy»։ web.archive.org։ 2006-12-20։ արտագրուած է՝ 2019-10-04 

Արտաքին յղումներ[Խմբագրել | Խմբագրել աղբիւրը]