Էնտի Սերգիս
| Էնտի Սերգիս | |
|---|---|
 | |
| Ծննդեան անուն | անգլերէն՝ Andrew Clement Serkis |
| Ծնած է | 20 Ապրիլ 1964 |
| Ծննդավայր | Ռուիսլիփ, Միացեալ Թագաւորութիւն |
| Քաղաքացիութիւն | Անգլիացի |
| Ազգութիւն | Հայ |
| Մայրենի լեզու | Բրիտանական անգլերէն |
| Կրօնք | Աթէիսթ |
| Ուսումնավայր |
Լանկաստերի համալսարան?Կատեգորիա:Վիքիդատա։Կատեգորիայի կարիք ունեցող հոդվածներ Սուրբ Բենեդիկտոսի դպրոց?Կատեգորիա:Վիքիդատա։Կատեգորիայի կարիք ունեցող հոդվածներ The County College, Lancaster?Կատեգորիա:Վիքիդատա։Կատեգորիայի կարիք ունեցող հոդվածներ |
| Տեսակ | Շեքսպիրի կատակերգություն? |
| Մասնագիտութիւն | Լենչսթըրի համալսարանի տեսողական արուեստներու բաժին, թատրոնը իբր երկրորդ մասնագիտութիւն, ԱՊԱ դերասանի մասնագիտութիւն |
| Աշխատավայր | Դերասան |
| Անդամութիւն | The County College, Lancaster? |
| Ամուսին | Lorraine Ashbourne |
| Ծնողներ | Քլեմենթ Սերգիս, Լայլի Սերգիս |
| Երեխաներ | Louis Ashbourne Serkis? |
| Կայքէջ | serkis.com |
Էնտի Սերգիս Էնտրու Քլեմենթ Սերգիս՝ հայկական արմատներով, անգլիացի դերասան, բեմադրիչ եւ գրող։
Կենսագրութիւն
[Խմբագրել | Խմբագրել աղբիւրը]Ծնած է 20 Ապրիլ 1964 թուականին Անգլիոյ Ուեսթ Լոնտոն թաղամասին մէջ։ Մայրը՝ Լայլի Սերգիս անգլիացի էր եւ հաշմանդամ տղոց կու տար յատուկ դաստիարակութիւն։ Իսկ հայրը՝ Քլեմենթ Սերգիս, հայկական ծագումով իրաքցի կնախտաբոյժ էր[1][2]։ Անոր ընտանիքին մականունը «Սերգիսեան» էր[3]։ Հայրը յաճախ պաշտօն վարած էր Միջին Արեւելքէ դուրս։ Իսկ Էնտի եւ եղբայրները մեծցած են Անգլիոյ մէջ, մանկապահի մը հսկողութեամբ։ Ընտանիքի արձակուրդները շատ անգամ անցած է միջինարեւելեան երկիրներու մէջ՝ Սայտա, Դամասկոս եւ Պաղտատ[4]։
Էնտի Սերգիս ուսանած է Սեն Պենետիքթ վարժարանին մէջ։ Ան յետոյ աւարտած է Լենչսթըրի համալսարանի տեսողական արուեստներու բաժինը։ Ան ընտրած է թատրոնը իբր երկրորդ մասնագիտութիւն[5]։ Էնտի Սերգիս, Լենչսթըրի County College-ի անդամ եւ Bailrigg FM ուսանողական ձայնասփիւռի մասնակիցներէն էր։ Յետոյ սկսած է թատերակներու մէջ դեր ստանձնել։ Անոր առաջին բեմելը եղած է Պերի Քեֆէի «Կոչչա» թատրերգութեան մէջ։ Այս խաղէն վերջ ան փոխեց իր ուղղութիւնը եւ կեդրոնացաւ դերասանի մասնագիտութեան վրայ[6]։
Դերասանութիւն
[Խմբագրել | Խմբագրել աղբիւրը]Իր առաջին արհեստավարժ քայլը առած է դէպի դերասանութիւն, 1985 թուականին, Լենչսթըրի Duke՚s թատրոնին մէջ։ Հոն բեմադրած է տասնչորս խաղեր։
1989 թուականին դեր ստանձնած է Ուիլիըմ Շէյքսփիրի «Մաքպէթ» թատերախաղին մէջ։ Ժ. Ռ. Ռ. Թոլքիէնի կողմէ գրի առնուած Lord of the Rings վէպի նոյնանուն շարժանկարին մէջ մարմնաւորած է Gollum դերը։ Շարժապատկերի երրորդ եւ վերջին բաժինն է Lord of the Rings-ը:
The Return of the King արժանացած է տասնմէկ Օսքարի մրցանակի։ Շարժանկարի նկարահանումները տեղի ունեցած են Նոր Զելանտայի մէջ։ Այս պատճառով Էնտի Սերգիս պարտաւորուած է հեռու մնալ իր ընտանիքէն։
Էնտի Սերգիս ամուսնացած է դերասանուհի եւ երգչուհի Լորէն Էշպուռնի հետ։ Անոնք ունին մէկ դուստր եւ երկու մանչ զաւակ։ Էնտի Սերգիս եւ իր ընտանիքը կը բնակի Նորթ Լոնտոն՝ Անգլիոյ մէջ։
Նկարչութիւն
[Խմբագրել | Խմբագրել աղբիւրը]Բացի այս բոլորէն, Էնտի Սերգիս ի հետաքրքրութիւնը գրաւած է նկարչութիւնը՝ իր մանկութեան շրջանէն ի վեր։ Ան իր պարապ ժամանակներուն կը զբաղի նկարչութեամբ։
The Hope Foundation-ի անդամ
[Խմբագրել | Խմբագրել աղբիւրը]Էնտի Սերգիս, The Hope Foundation-ի անդամ դարձած է, ուր ջանք կը վատնէ քաղցկեղով տառապող փոքրիկներու դարմանման ուղղութեամբ։ Առաւել՝ պատերազմի պատճառով իրենց երկիրներէն գաղթող երեխաներուն առողջութեան եւ անոնց ապագային համար կը տանի տքնաջան աշխատանք։
2000-ական թուականներուն սկիզբէն սկսեալ դեր ստանձնած է շատ մը յայտնի շարժապատկերներու մէջ
[Խմբագրել | Խմբագրել աղբիւրը]ինչպէս՝
- «Օլիվըր Թուիսթ» (Oliver Twist, 1999)
- «Փայլուն» (Shiner, 2000)
- «Մատանիներու տիրակալը. Մատանիներու եղբայրութիւնը» (Lord of the Rings: The Fellowship of the Ring, 2001)
- «Մատանիներու տիրակալը. Երկու աշտարակ» (Lord of the Rings: The Two Towers, 2002)
- «Մատանիներու տիրակալը. Թագաւորին վերադարձը» (Lord of the Rings: Return of the King, 2003)
- «Երանի թէ 30 ըլլայի» (13 going to 30, 2004) - «Քինկ Քոնկ» (King Kong, 2005)
- «Փրեսթիժ» (Prestige, 2006) - «Թանաքէ սիրտ» (Ink Heart, 2008)
- «Սիրուն անասուններ» (Animals United, 2010)
- «Կապիկներու մոլորակը. Յեղաշըրջում» (Rise of the Planet of the Apes, 2011)
- «Թեն Թենի արկածները» (The Adventures of Ten Ten, 2011)
- «Հոպիթ. Անսպասելի ճանապարհորդութիւն» (Hobbit: An Unexpected Journey, 2012)
- «Կապիկներու մոլորակը. Արշալոյսի ժամանակ» (Dawn of the Planet of the Apes, 2014)
- «Չպարտուողներ. Ուլթրունի դարաշրջան» (Avengers: Age of Ultron, 2015)
- «Աստղերու պատերազմ. Ուժը կ՚արթննայ» (Star Wars: The Force Awakens, 2015)
Իսկ յառաջիկային սպիտակ պաստառի վրայ պիտի դիտենք հետեւեալները
[Խմբագրել | Խմբագրել աղբիւրը]- «Աստղերու պատերազմ. Վերջին Ճետայ» (Star Wars: The Last Jedi, 2017)
- «Կապիկներու մոլորակը. պատերազմ» (War of the Planet of the Apes, 2017)
- «Սեւ յովազ» (Black Panther, 2018)
- «Անտառի գիրք» (Jungle Book, 2018) - «Աստղերու Պատերազմ. բաժին IX» (Star Wars: Episode IX, 2019)
ՊԱՖԹԱի Դափնեկիր
[Խմբագրել | Խմբագրել աղբիւրը]Դերասան՝ Էնտի Սերգիս (Սարգիսեան), որ մեծ համբաւի տիրացած է «Հապիթ», «Մատանիներու Գահակալը», «Կապիկներու Մոլորակը» եւ «Քինկ Քոնկ» ժապաւէններուն մէջ իր ստանձնած դերերով, յատուկ մրցանակի արժանի նկատուեցաւ Մեծն Բրիտանիոյ շարժապատկերի եւ պատկերասփիւռի արուեստներու ակադեմիոյ ¤ՊԱՖԹԱ)[7] կողմէ, Բրիտանիոյ շարժապատկերի աշխարհին իր բերած յատկանշական ներդրումներուն համար։ Մրցանակաբաշխութիւնը տեղի ունեցաւ 2 Փետրուար 2020-ին։
Ծանօթագրութիւններ
[Խմբագրել | Խմբագրել աղբիւրը]- ↑ xoanon (փետրվարի 1, 2001)։ «Andy Serkis Talks LOTR»։ TheOneRing.net։ արտագրուած է՝ մարտի 29, 2010
- ↑ Shoard Catherine (մարտի 16, 2008)։ «Andy Serkis: Beastie boy»։ London: The Telegraph։ արտագրուած է՝ հոկտեմբերի 22, 2010
- ↑ Nepales Ruben V. (հուլիսի 6, 2007)։ «Only in Hollywood Andy Serkis: From Gollum, King Kong to Einstein»։ Philippine Daily Inquirer։ արտագրուած է՝ հոկտեմբերի 22, 2010
- ↑ James Mottram (դեկտեմբերի 7, 2012)։ «Gollum's precious moments: Andy Serkis' unexpected journey from The Lord of the Rings to The Hobbit»։ The Independent։ արտագրուած է՝ դեկտեմբերի 7, 2012
- ↑ Mike Larkin (օգոստոսի 6, 2011)։ «Rise of the Planet of the Apes: How Andy Serkis brought a rebellious chimp to life | Mail Online»։ London: Dailymail.co.uk։ արտագրուած է՝ օգոստոսի 21, 2011
- ↑ Ken P. (հունվարի 27, 2003)։ «An Interview with Andy Serkis – Movies Feature at IGN»։ Uk.movies.ign.com։ արխիւացուած է բնօրինակէն-էն՝ 2015-07-02-ին։ արտագրուած է՝ 21 Օգոստոս 2011
- ↑ Դերասան Էնտի Սերգիս՝ ՊԱՖԹԱի Դափնեկիր[permanent dead link]
Աղբիւրներ
[Խմբագրել | Խմբագրել աղբիւրը]- Դերասան Էնտի Սերգիս՝ ՊԱՖԹԱի Դափնեկիր[permanent dead link]
- Էնտի Սերգիս
- Պաշտօնական կայք (անգլերէն)
- Andy Serkis on Inkheart and Tintin at AMCtv.com (անգլերէն)
- Andy Serkis Interview (անգլերէն)
- The Jolly Boys Last Stand Archived 2006-10-29 at the Wayback Machine. (անգլերէն)