Զաթրիքիոն

Զաթրիքիոն (յուն․՝ Ζατρίκιον)․ Մինոասեան ժամանակաշրջանի հնաբանական իր, յայտնուած Քնոսոս (1900)։ Կը ցուցադրուի Իրաքլիոնի Հնաբանական Թանգարանին մէջ, իսկ անոր մէկ նմուշը կը հիւրասիրուի Նիու Եորքի Մեթրոբոլիթան Արուեստի Թանգարանին (The Met) մէջ։^[1]

Տեղեկութիւններ

Արթուր Էվանս 1900-ին Քնոսոսի մէջ կատարած հնաբանական պեղումներուն ընթացքին յայտնաբերած է Զաթրիքիոն, պալատին հիւսիս-արեւելեան կողմը։ Այդ օրէն ասդին, այդ վայրը կը կոչուի «Զաթրիքիոնի անցք»։ Ժամանակագրուած է Ք․Ա․1700 - Ք․Ա․1500 թուականներուն միջեւ։^[2]

Նկարագրութիւն

Զաթրիքիոն քառանկիւն նշխար մըն է։ Անոր պատուանդանը տախտակէ է զարդարուած արժէքաւոր նիւթերով, ինչպէս օրինակ՝ փղոսկր, բիւրեղ, ապակիէ զանգուած, ոսկի եւ արծաթ։^[3]

Տախտակին քով, գտնուած են նաեւ փղոսկրէ չորս կոնաձեւ իրեր, որոնք հաւանաբար խաղին մաս կը կազմէին։^[4]

Հաւանաբար գտնուած նշխարը մեծահարուստ ազնուականի մը սեբականութիւնը եղած ըլլայ։^[5]^[6]

Ծանօթագրութիւններ

[1] Իրաքլիոնի հնաբանական թանգարան, Զաթրիքիոն, էջ 332-333(յունարէն)

[2] Նախապատմական Յունաստանի վերահրատադրումներ, 1-12-1921, Նիու Եորք Ճիլիս Բրես, էջ 253 եւ նկարը(անգլերէն)

[3] Զաթրիքիոն, հին յունական ճատրակը, էջ 791(յունարէն)

[4] Զաթրիքիօ, հին յունարէն-ստուգաբանութիւն LSJ

[5] հին աշխարհի խաղեր, Էլի 12-11-2017(անգլերէն)

[6] Աթէնքի Բրիտանական Դպրոցի տարեկան տեղեկագրութիւն 1900-1901, Քնոսոս պալատը,1901, Թագաւորական ճատրակը, էջ 77-82, Արթուր Էվանս(անգլերէն)

[1]

[2]

[3]

[4]

[5]

[6]