Ելենա Թոնունց

Ելենա Թոնունց
Ծնած է	17 Յուլիս 1954(1954-07-17) (71 տարեկան)
Ծննդավայր	Մակատան, ՌԽՖՍՀ, Խորհրդային Միութիւն
Քաղաքացիութիւն	Խորհրդային Միութիւն
Ուսումնավայր	Մոսկուայի Պետական Համալսարանի Երկրաբանական Բաժանմունք, Ռուսաստանի թատերական արուեստի համալսարան և Մոսկուայի Գերասիմովի անուան շարժապատկերի հիմնարկ
Մասնագիտութիւն	ժապաւէնի բեմադրիչ և դերասանուհի

Ելենա Կոնստանդին Թոնունց (17 Յուլիս 1954(1954-07-17), Մակատան, ՌԽՖՍՀ, Խորհրդային Միութիւն), խորհրդային ռուս բեմավար, շարժանկար պատրաստող, դերասանուհի։

Կենսագրութիւն

Մանկութիւն

Ելենա Թոնունցը ծնած է 1954 թուականին Մագատանի մէջ։ Հայրը ծովային նաւատորմի սպայ էր, որ Ելենայի մէջ սերմանած էր մարզանքի հանդէպ սէրը։ Մինչեւ հինգերորդ դասարանը աղջնակը լրջօրէն կը զբաղէր գեղարուեստական մարմնամարզութեամբ։ Բացի այդ, երկար ժամեր կ'անցընէր պալէթի արուեստանոցին մէջ։

Ելենան յաջողութեամբ կը համատեղէր մարզանքն ու պալէթը ուսման հետ։ Կը սորվէր գերազանց յառաջդիմութեամբ, պարբերաբար առաջին տեղերը կը զբաղեցնէր թուաբանութեան, բնագիտութեան ու քիմիագիտութեան նիւթերուն մէջ։ Այդ պատճառով նախքան մասնագիտութիւն ընտրելը, առաջին հերթին մտածեց արհեստից բուհեր ընդունուելու մասին։

Չկայացած Երկրաբան

Ելենան տեղափոխուեցաւ Մոսկուա եւ շուտով ընդունուեցաւ Պետական համալսարանի երկրաբանական դպրոց։ Սակայն ուսման ընթացքին հասկցաւ, որ երկրաբանութիւնը իրը չէ։ 1976 թուականին աւարտեց համալսարանը։ Այդ տարիներուն երիտասարդ մասնագէտները կ'ուղարկէին տարբեր հաստատութիւններ եւ ընկերութիւններ, ուր վերջիններս պէտք է աշխատէին 3 տարի։ Ելենային ուղարկեցին Քրասնոյարսկի երկրամասի Տիւնոքորսկի քաղաք՝ նիւթական հումքի համամիութենական հաստատութիւն։ Կեանքի պայմանները ծանր էին այնտեղ․ բարաքը բաց դաշտի վրայ էր, հաստատութիւն պէտք է հասնէր ոտքով։ Ելենան որոշեց չերթալ աշխատանքի։

Աղջկան սկսան փնտռել։ Ան, գրանցելով Կորքին իր բարեկամներուն մօտ, մնաց ապրելու Մոսկուա, տեղաւորուեցաւ աշխատանքի որպէս հաւաքարար եւ պատրաստուեցաւ թատերական բուհ ընդունուելու։

Ասպարէզ

Դերասանուհի

Ելենա Թոնունցը ընդունուեցաւ Ռուսաստանի թատերարուեստի համալսարան (ГИТИС)՝ Կոնստանդին Միխայլովի դասարան։ Առաջին եռամսեակին արդէն խաղաց առաջին դերը՝ Փաւել Արսենովի «Զգացմունքներու Խռովք» ֆիլմին մէջ։ Մինչեւ 1981 թուականը՝ համալսարանը աւարտելը, նկարահանուեցաւ ֆանթասթիք «Օրիոնի հանգոյցը» (Էա) ֆիլմին մէջ, «Նկարիչի կնոջ դիմանկարը» երաժշտական թատերգութեան մէջ (Վարիա), «Դիմականդէս» երաժշտական գոմետիայի մէջ (Նինայի Հիւրը)։

Դերասանուհիի առաջին մեծ յաջողութիւնը Կալիի դերն էր՝ բեմավարներ Վիքթոր Մակարովի եւ Ալեքսանդր Փոլիննիկովի «Պահպանէք Կանանց» երաժշտական կատակերգութեան մէջ։ Դերասանուհիի խաղընկերներն էին Մարինա Շիմանսքայան, Անտրէյ Կրատովը, Իկոր Սկլեարը, Ալգկս Արլաուսկասը, իսկ այս ուրախ պատմութեան բոլոր գործողութիւնները կ'ընթանային Եուրի Անտոնովի երգերով։ Դերասանուհին խոստովանած է, որ նկարահանման ժամանակ իր ֆիզիկական պատրաստուածութիւնը շատ օգնած է իրեն։

Ելենա Թոնունցը աշխուժօրէն կը նկարահանուէր շարժապատկերի մէջ։ Հանդիսատեսը յիշեց անոր Շահերիզատէի կերպարէն «Շահերիզատէի Եւս Մէկ Գիշերը․․․», «Շահերիզատէի Նոր Հեքիաթները» եւ «Շահերիզատէի Վերջին Գիշերը» ֆիլմերուն մէջ։ Աննկատ չանցան նաեւ անոր դերերը «Գտիր Երջանկութեան Համար Պայտ» (Աննա Անտրիեշ եւ Աննուշկա) շարժապատկերի վիպակին մէջ, «Շանս» ֆանթասթիք կատակերգութեան մէջ (Վանտա Սավիչը երիտասարդ տարիքին), «Այլմոլորակայինը» (Իկորի աշխատակիցը), «Երբ արձագանգը Ետ Կու Գայ» (Լեյլա Պատալովա) թատերգութեան մէջ։

Բեմավարուհի

Ելենան ընդունուեցաւ ՎԳԻԿ-ի բեմավարութեան դպրոց՝ Եուրի Օզերովի արհեստանոց։ Ուսանելու տարիներուն՝ 1990 թուականին, իր գրած ֆիլմի պատրաստութեան հիման վրայ նկարահանեց առաջին՝ «Անգամ մը երեկոյեան» կարճ ֆիլմը։ Ֆիլմը բարձր գնահատուեցաւ մասնագէտներու կողմէ՝ ստանալով բազմաթիւ մրցանակներ եւ պարգեւներ Ֆրանսայի եւ Գերմանիոյ ուսանողական փառատօներուն։

1992 թուականին աւարտեց ՎԳԻԿ-ը, իսկ 1994 թուականին պաստառ բարձրացաւ անոր երկրորդ ֆիլմը՝ «Ես քեզ ոչ մէկ տեղ չեմ ձգեր»։

Կեանքի վերջին տարիներուն պարբերաբար ոչ մեծ դերերով կը նկարահանուէր շարժապատկերի մէջ։

Ֆիլմագրութիւն

Դերերը Շարժապատկերի Մէջ

Տարեթիւ	Ֆիլմ	Դերերը Շաժապատկերի Մէջ
2014	Որդին
2013	Արհեստագործները	Ռատեցկիի կինը
2013	Մոսկուա․ 3 կայարան Օգնականը	հարեւանուհի
2011	Տերմինալ	բնակարանի տանտիրուհի
2011	Իմ երկրորդ կէսը	Ելենա Նիկոլայեւնա
2011	Լիուպա․ Լիուպով	Վալենթինա Իւանովնա
2011	Ժամանակ երկուքի համար	Եկատերինա
2010	Путейцы-2	դրուագ
2010	Հրաշալի տղամարդիկ	Նիկի նախկին սիրելին
2010	Գարաժները Զոքանջը որպէս երեւոյթ	ուսուցչուհի
2010	Վարենկա․ Ուրախութեան եւ դժբախտութեան ժամանակ	դրուագ
2009	Паутина-3 Ձեր հերթն է, վարպետ	դրուագ
2008	Այդ ձմեռուայ հացը
2001	Բեւեռային աստղի տակ
1993	Վերադարձը
1992	Շահի ադամանդները	Լենա
1990	Ես պատերազմ կը յայտարարեմ ձեզ	Թամարա
1989	Ստալինկրատ	դրուագ
1988	Մասնաւոր այց գերմանական դարմանատուն
1988	Երբ արձագանգը ետ կու գայ	Լեյլա Պատալովա
1987	Շահերիզատէի վերջին գիշերը	Շահերիզատա
1986	Շահերիզատայի նոր հեքիաթները	Շահերիզատա
1985	Тевье-молочник	Պեյլկա
1985	Տոն Ժուանի գայթակղութիւնը	Տոլորես
1984	Շանս	Վանտա Սավիչ
1984	Եօթը տարերք	բժիշկ
1984	Այլմոլորակայինը	Իկորի աշխատակցուհին
1984	Շահերիզատէի եւս մէկ գիշերը	Շահերիզատէ
1983	Երջանկութեան համար գտիր պայտ	Աննա Անտրիեշ եւ Աննուշկա
1983	Լեթարգիա	դրուագ
1983	Յոյսի գարուն	Նինա
1983	Ափ	դրուագ
1982	Մարիա մայրը	դրուագ
1981	Նկարիչի կնոջ դիմանկարը	Վարիա
1981	Դիմակահանդէս	հիւր
1981	Պահպանեցէք կանանց	Կալիա
1980	Օրիոնի հանգոյցը	Էա
1979	Սիրելիներէն մի բաժանուիք	դրուագ
1977	Զգացմունքներու խռովք	դրուագ

Բեմավարութիւն

Տարեթիւ	Ֆիլմ
1994	Ես քեզ ոչ մէկ տեղ չեմ ձգեր
1990	Մէկ անգամ երեկոյեան

Ֆիլմի Պաստրաստութիւն

Տարեթիւ	Ֆիլմ
1994	Ես քեզ ոչ մէկ տեղ չեմ ձգեր
1990	Մէկ անգամ երեկոյեան

Արտադրութիւն

Տարեթիւ	Ֆիլմ
1994	Ես քեզ ոչ մէկ տեղ չեմ ձգեր