Եանիս Անթեթոքունպօ

Jump to navigation Jump to search
Եանիս Անթեթոքունպօ
յուն․՝ Γιάννης Αντετοκούνμπο
Giannis Antetokounmpo (24845003687) (cropped).jpg
Ծնած է 6 Դեկտեմբեր 1994(1994-12-06)[1][2] (26 տարեկան)
Ծննդավայր Աթէնք, Յունաստան
Քաղաքացիութիւն Flag of Greece.svg Յունաստան
Flag of Nigeria.svg Նիճերիա
Ազգութիւն Իկպօ եւ Եորուպա ցեղեր, Նիճերիա
Մասնագիտութիւն կողովագնդակի մարզիկ

Եանիս Անթեթոքունպօ Γιάννης Αντετοκούνμπο, (6 Դեկտեմբեր 1994, Զողրաֆօ, Աթէնք)․ «Միլուոքի Պաքս»  կողովագնդակի ակումբին (Ա․Մ․Ն)․ եւ Յունաստանի կողովագնդակի ազգային խումբին յոյն մարզիկ։  20 Յուլիս 2021-ին պսակուեցաւ ΝΒΑ ախոյեան եւ քանիցս ախոյեանութեան MVP` ամենաթանկագին մարզիկ (2019-ի, 2020-ի եւ 2021-ի աւարտական խաղերուն)։ Հինգ անգամ ընտրուած է եւ մաս կազմած է All-Star Game – ΝΒΑ։

Հասակն է՝ 2,11 մ․, թիւ 34 կը կրէ եւ զայն կը կոչեն «The Greek Freak»։  15 Դեկտփեմբեր 2020-ին, «Միլուոքի Պաքս» խումբին հետ վերանորոգած է իր պայմանագրութիւնը 5 տարուան համար ի դիմաց 228 միլիոն տոլարի վարձատրութեամբ մը։

Կենսագրական գիծեր[Խմբագրել | Խմբագրել աղբիւրը]

Եանիս Անթեթոքունպօ ծնած է Աթէնք 6 Դեկտեմբեր 1994-ին, Նիճերիոյ Լակոս քաղաքէն Յունաստան գաղթած (1991) Չարլս եւ Վերոնիքա Անթեթոքունպօ ընտանիքին յարկին տակ։  Ունի 4 եղբայրներ․ երէցը՝ Ֆրանսիս, Լակոս մնացած է մեծ մօր ու մեծ հօր մօտ, իսկ միւս 3 եղբայրները՝ Թանասիս, Քոսթաս եւ Ալեքսիս Յունաստան ծնած են։  Նիճերիա հայրը եղած է ոտնագնդակի մարզիկ, իսկ մայրը բարձրութիւն ցատկելու մարզուհի։ Ընտանիքին 4 զաւակները որ Յունաստան ծնած են, առած են յունական եւ նիճերիական անուններ։  Եանիսին նիճերիական անունը «Ուկօ» է։

Առաջին տարիները[Խմբագրել | Խմբագրել աղբիւրը]

Եանիս մեծցաւ Աթէնքի Սեփոլիա թաղամասը, դժուար պայմաններու տակ։ Ծնողքը կը դժուարանար գործ գտնել եւ ինք ու իր մեծ եղբայրը արեւու ակնոց, պայուսակ եւ ժամացոյց կը ծախէին բացօթեայ շուկաները։

Թանասիս եւ Եանիս եղբայրները կողովագնդակ կը խաղան իրոնց ծննդավայրին մէջ, Սեփոլիա, Աթէնք․ նկար 2015

Կողովագնդակով կը սկսի զբաղիլ 2007-ին «Ֆիլաթլիթիքոս» խումբին մէջ (միաժամանակ  համակիր է «Օլիմպիաքոս» խումբին), ուր աւելի ետք Թանասիս եւ Քոսթաս եղբայրներն ալ մաս կը կազմեն։  Լակոս մնացած երէց եղբայրը Ֆրանսիս, ոտնագնդակի մարզիկ կը դառնայ։   Եանիսին խաղարկութիւնը աչքի կը զարնէ եւ անոր մարզիչը Սփիրոս Վելինեաթիս Σπύρος Βελλινιάτης կ՛ օգնէ եւ ամէն ձեւով կ՛ օժանդակէ, որպէսզի Եանիս եւ աւելի ետք անոր եղբայրը՝ Թանասիս, կողովագնդակի մարզիկի լաւ հիմերը առնեն եւ ապա մասնակցին NBA Draft-ին։

27 Յունիս 2013-ին NBA Draft 15 թիւով կ՛ ընտրուի «Միլուոքի Պաքս» Milwaukee Bucks խումբէն։

Կեանքը Ամերիկա[Խմբագրել | Խմբագրել աղբիւրը]

Դեկտեմբեր 2016

Եանիս Միլուոքի քաղաքը կը հաստատուի։  Յունական համայնքը անոր զօրավիգ կը կանգնի։  Եանիս առաջին օրէն տնտեսապէս կ՛ օժանդակէ Աթէնք մնացած ընտանիքին։  2014-ին սկիզբները, ընտանիքը Աթէնքէն Միլուոքի կը փոխադրուի։   Թանասիս, Քոսթաս եւ Ալեքսիս եղբայրնրն ալ կողովագնդակով կը զբաղին։

2016-ին երեք ամսուան համար Թանասիս եղբօրը հետ, իրենց զինուորական պարտականութիւնը կը կատարեն Յունաստանի զինիալ ուժերէն ներս։

29 Սեպտեմբեր 2017-ին Եանիսին հայրը կը մահանայ (54 տարեկան) սրտի կաթուածէ։

2018 Յուլիսին Եանիս Անթեթոքունպօ առաջին ոչ ամերիկացի մարզիկը կը հանդիսանայ որուն նկարը NBA 2K ելեկտրոնային խաղին ծրարումի տուփին կողքը կը զարդարէ։

Antetokounbros[Խմբագրել | Խմբագրել աղբիւրը]

Եանիս եւ Թանասիս Անթեթոքունպօ եղբայրները կը նախաձեռնեն եւ կը կազմակերպեն Antetokounbros խաղերը։  2016-էն սկսեալ, ամէն ամառ Յունաստանի տարածքին կը կատարուին հասարակական անշահախնդիր բարեկամական խաղեր՝ կողովագնդակի եւ մարաթոնի վազք, որպէսզի հասարակութեան եւ մանաւանդ երիտասարդութեան մէջ զարգանայ մարզական ոգին եւ զգայնանութիւնը ընկերային հարցերու շուրջ։  Այս խաղերու կազմակերպութեան ընդմէջէն, Եանիս եւ Թանասիս բարոյապէս եւ տնտեսապէս կ՛ օժանդակեն կարիքաւոր պատանիներուն, ինչպէս օրինակ որբ կամ ճնշուած պատանիներ պատսպարող «Κιβωτός του Κόσμου» (Քիվոթոս թու քոզմու Աշխարհի տապանը) հիմնարկը։

Միլուոքի Պաքս[Խմբագրել | Խմբագրել աղբիւրը]

Եանիս Անթեթոքունպօ կը ձեռնուի Ա․Մ․Ն․ նախագահ Օպամային հետ, Ապրիլ 2016, Սպիտակ Տան մէջ
10 Դեկտեմբեր 2016, Եանիս խաղի մը ընթացքին

30 Յուլիս 2013-էն պաշտօնապէս մաս կը կազմէ «Միլուոքի Պաքս» կողովագնդակի խումբին՝ մինչեւ այսօր։ 19 Սեպտեմբեր 2016-ին չորս տարուան համար կը վերանորոգէ խումբին հետ համաձայնութիւնը, ստանալով 100 միլիոն տոլարի վարձատրութիւն։  Անոր խաղարկութիւնը մարզասէր հասարակութենէն, լրագրողներէն, NBA-ի մասնագէտներէն եւ մարզիկներէն կ՛ արժեւորուի իբրեւ բացառիկ։

2017-ին Եանիս, 22 տարեկան հասակին, առաջին անգամ կը մասնակցի NBA All Star խաղերուն։  Այնուհետեւ, ամէն տարի գլխաւոր մարզիկներէն է։

Յունաստանի Ազգային խումբ[Խմբագրել | Խմբագրել աղբիւրը]

2013-ին Եանիս Անթեթոքունպօ իբրեւ մարզիկ Յունաստանի Կողովագնդակի Պատանիներու Ազգային Խումբին, կը մասնակցի Եւրոպայի Ախոյեանութեան խաղերուն։  Անոր աստղը կը փայլի այս մրցաշարքին ընթացքին։

Յունուար 2018

2014-էն մաս կը կազմէ Յունաստանի Կողովագնդակի Ազգային խումբին եւ կը մասնկացի անոր տուած բոլոր խաղերուն։

ΝΒΑ ախոյեան[Խմբագրել | Խմբագրել աղբիւրը]

2021-ի ΝΒΑ ախոյեանութեան աւարտական Play Offs հանգրուանի 6 խաղերուն ընթացքին Միլուոքի Պաքս եւ Սանս խումբերուն միջեւ, 5-րդ եւ 6-րդ յաջորդական ճակատագրական խաղերը «Միլուոքի Պաքս» կը յաղթէ շնորհիւ Եանիսի անկրկնելի խաղարկութեան։ 

20 Յուլիս 2021, 6-րդ վերջին խաղին, Միլուոքի Պաքս կը յաղթէ Սանս խումբին 105-98 արդիւնքով (105-էն 50 կէտը Եանիս կը նշանակէ իր խումբին համար)։  Այսպէս, 50 տարիներ ետք, «Միլուոքի Պաքս» Ա․Մ․Ն․ ΝΒΑ-ի ախոյեան կը պսակուի, իսկ Եանիս Անթեթոքունպօ կը հռչակուի ΝΒΑ-ի MVP (ախոյեանութեան ամենաթանկագին մարզիկը)։

Անձնական կեանք[Խմբագրել | Խմբագրել աղբիւրը]

2016-ին կ՛ ամուսնանայ Մարայա Րիտլսփրիկըրին հետ եւ 11 Փետրուար 2020-ին կը ծնի մանչ զաւակը՝ Լայամ-Չարլս։ [3] [4] [5] [6] [7] [8] [9] [10] [11] [12] [13] [14] [15]

Ծանօթագրութիւններ[Խմբագրել | Խմբագրել աղբիւրը]

  1. http://espn.go.com/nba/player/gamelog/_/id/3032977/giannis-antetokounmpo
  2. http://espn.go.com/nba/player/splits/_/id/3032977/giannis-antetokounmpo
  3. ΝΒΑ․ Եանիս Անթեթոքունպօ(անգլերէն)
  4. Պաքս - Սանս 105-98․ Աշխարհի առաջնորդ Եանիս, Պաքս ախոյեան(յուն.)
  5. Եանիս Անթեթոքունպօ․ ΝΒΑ ախոյանութեան մրցաշարքին թանկագին մարզիկը, 21-7-2021(յուն.)
  6. Եանիս Անթեթոքունպօ․ ΝΒΑ All-Star Game ամենալաւ մարզիկը, 16-12-2020(յուն.)
  7. Օլիմպիաքոսի գոյներով Անթեթոքունպօն(յուն.)
  8. NYTimes - Աւելի լաւ կեանքի մը տենջը կրնայ ΝΒΑ հասցնել, Ken Maguire, 25-6-2013(անգլերէն)
  9. «Antetokounbros»․ Անթեթոքունպօ եղբայրները չեն մոռնար եւ կ՛ օգնեն կարիքաւոր փոքրիքները, Եորղոս Փափատիիթրաքոփուլոս, 16-6-2018(յուն.)
  10. npr sports. ΝΒΑ-ի նորագիրը կ՛ ուզէ Յունաստանին եւ Միլուոքիին յոյս բերել, Իոաննա Քաքիսիս, 26-9-2013(անգլերէն)
  11. Յոյն քաղաքացիներ Անթեթոքունպօ եղբայրները, 9-5-2013(յուն.)
  12. foxsports - Անթեթոքունպօ ընտանիքը Ա․Մ․Ն․ կը վերամիանայ, 3-2-2014(անգլերէն)
  13. Անթեթոքունպօ եղբայրները իրենց եռամսեայ զինուորական պարտականութիւնը կը կատարեն, 12-7-2016(անգլերէն)
  14. Մարզիչը որ արժեւորեց եւ Ամերիկայի դռները բացաւ Եանի Անթեթոքունպոյին համար(յուն.)
  15. Ինչպէս հնչել Եանիս Անթեթոքունպոյին անունը(անգլերէն)

Արտաքին յղումներ[Խմբագրել | Խմբագրել աղբիւրը]

  1. NBA Draft(յուն.)
  2. ΝΒΑ(յուն.)
  3. Եանիս Անթեթոքունպօ Յունաստան, FIBA EuroBasket 2015(անգլերէն)
  4. 2021 NBA Playoffs(անգլերէն)