Եալի

Կղզի
Եալի
Γυαλί
Եալի․ նշմարելի է չեչաքարի հանքը
Երկիր	Յունաստան, էգէական ծով
Շրջան	Տոտեքանիսա
Տարածութիւն	4,558 քմ²
ԲԾՄ	180 մեթր
Բնակչութիւն	21 մարդ (2011), 7 մարդ (2021) և 13 մարդ (2001)
Կը գտնուի ափին	Էգէական Ծով

Եալի (յուն․՝ Γυαλί), հրաբխային կղզեակ, Նիսիրոս, Տոտեքանիսա, Էգէական ծով, Յունաստան։ Նիսիրոսին փարոսը։

Եալի, Նիսիրոս կղզիին հիւսիսը

Հակիրճ տեղեկութիւններ

Եալի, նկարուած Նիսիրոսէն

Նկարագրութիւն

Տարածութիւնն է 4,6 քմ․²։ Եալի կղզեակը կազմուած է երկու բլուրներէ, որոնք իրարու միացած են նեղ հողատարածքով մը։ Հիւսիսէն հարաւ երկարութիւնն է 5 քմ․։ Կղզիին ամէնէն լայն մասը 2,1 քմ․ է, իսկ ամէնէն նեղ մասը՝ 500 մեթր։

Բնապահպանում

Ամբողջ կղզին յայտարարուած է Բնական Գեղեցկութեան Վայր։ Ունի երկրաբոյսի եւ անհարթ շոճիի անտառներ եւ կաթնուկներ։ Ծովեզերեայ մասին կ'աճին գիհիի ծառեր։

Աշխարհագրութիւն

Կը գտնուի Նիսիրոս եւ Քոս կղզիներուն միջեւ եւ մաս կը կազմէ Նիսիրոսի քաղաքապետութեան։ Բնակչութեան թիւն է 21։ Կղզին մաս կը կազմէ հարաւային Յունաստանի հրաբխային գօտիին։ Չեչաքարի (հիւսիսային բլուր) եւ որսիդի (հարաւային բլուր) քարահանքերը փոքրաթիւ բնակչութեան եկամուտի աղբիւրն են։ Հնադարուն հանքային ոբսիդաքարը կը գործածուէր գործիքներու կառուցման համար։

Պատմական

Հորիզոնին Եալի․ այդպէս ինչպէս կ'երեւի Փալիէն, Նիսիրոս

Եալի հնագիտական պեղումները յայտնաբերած են հին գերեզման մը։ Գտնուած են Նոր Քարէ Դարաշրջանի բնակավայրի աւերակներ (Ք․Ա․ 4-րդ հազարամեակ) եւ պղինձի հալոցներ (Ք․Ա․ 6000 - 5300)։ Վերջինները կը վկայեն մետաղագործութեան վաղահաս գործածութիւն։ Հնագիտական պեղումները կը վկայեն նաեւ, թէ կղզիին վրայ բնակութիւնը եղանակային էր, ինչպէս նաեւ անոր հիւսիսային կողմի հանքերէն ոբսիդ կ'արտադրուէր։

Հրաբուխը

Եալի կղզին յանգած հրաբուխ է եւ կը գտնուի Նիսիրոսէն 7 քմ․ հիւսիս։ Հրաբուխը կազմուած է երկու հրաբխային խանձաքարերէ՝ հիւսիս-արեւելեան եւ հարաւ-արեւմտեան։ Անոնք իրարու կապուած են նեղուցով մը։

Արտաքին յղումներ

1. Յունաստանի հրաբուխներ(անգլերէն)