Գրիգոր Նարեկացիի արձան (Վատիկան)
 իտալ.՝ Statua san Gregorio di Narek | |
|---|---|
|
| |
| Կը Գտնուի | Վատիկան |
Գրիգոր Նարեկացիի արձան (իտալ.՝ Statua san Gregorio di Narek), հայ փիլիսոփայ, աստուածաբան, բանաստեղծ եւ տիեզերական եկեղեցւոյ վարդապետ Գրիգոր Նարեկացիի յուշարձանը, որ զետեղուած է Վատիկանի Այգիներուն մէջ[1]։
Նախագահութեամբ Ֆրանչիսկոս քահանայապետին, մասնակցութեամբ Ամենայն Հայոց Գարեգին Բ. եւ Մեծի Տանն Կիլիկիոյ Արամ Ա. կաթողիկոսներուն, Տանն Կիլիկիոյ կաթողիկէ հայոց Գրիգոր Պետրոս Ի. կաթողիկոս պատրիարքին, Վատիկանի միջեկեղեցական յարաբերութեանց բաժանմունքի նախագահ կարտինալ Քիւրթ Քոխի, Արեւելեան եկեղեցիներու խորհուրդի նախագահ կարտինալ Լէոնարտօ Սանտրիի, Հայաստանի Հանրապետութեան նախագահ Սերժ Սարգսեանի եւ բարձրաստիճան հոգեւորականներու, քաղաքական գործիչներու եւ զանազան երկիրներէ եկած հայ եւ օտար հիւրերու, Վատիկանի պարտէզին մէջ՝ 5 Ապրիլ 2018-ին, տեղի ունեցած է Գրիգոր Նարեկացիի երկու մեթր հասակով արձանին բացումը[2]:
Պատմութիւն
[Խմբագրել | Խմբագրել աղբիւրը]Դաւիթ Երեւանցի այս արձանի քանդակը կատարած է սրբազան քահանայապետի Հայաստան ուխտագնացութեան առիթով, Հայաստանի նախագահ Սերժ Սարգսեանի սրբազան քահանայապետին նուիրած նմուշին հիման վրայ: Արձանը ունի իր երկրորդ օրինակը, որ պիտի տեղադրուի Էջմիածնի կաթողիկոսարանին մէջ` իբրեւ «տիպար ու պատգամ երկու քոյր եկեղեցիներուն միջեւ եղբայրական կապի»:
Հեղինակ
[Խմբագրել | Խմբագրել աղբիւրը]- Քանդակագործ ՝ Դաւիթ Երեւանցի,
- Ճարտարապետ` Միքայէլ Հասրաթեան։
Պրոնզէ արձանը գործն է ֆրանսահայ ճարտարապետ Դաւիթ Երեւանցիի (Բաբայեան), իսկ ճարտարապետն է Միքայէլ Հասրաթեան, անիկա իրականութիւն դարձած է Վատիկանի մէջ Հայաստանի դեսպան Միքայէլ Մինասեանին եւ ռուսաստանաբնակ գործարար Արթուր Ջանիբեկեանի բարերարութեամբ, Վատիկանի մէջ Հայաստանի դեսպանութեան մշակոյթի բաժինի պատասխանատու Վարդան Կարապետեանի կազմակերպական ջանքերուն շնորհիւ:
Ծանօթագրութիւններ
[Խմբագրել | Խմբագրել աղբիւրը]- ↑ Mirror-Spectator The Armenian (2018-04-12)։ «New Statue of St. Gregory of Narek Unveiled in Vatican Gardens»։ The Armenian Mirror-Spectator (անգլերէն)։ արտագրուած է՝ 2022-02-07
- ↑ «Ս. Գրիգոր Նարեկացիի Արձանի Օրհնութիւն Եւ Բացում Վատիկանի Մէջ»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-04-06։ արտագրուած է՝ 2022-02-07