Գէորգ Ծ. Վ. Թուրեան
| Գէորգ Ծ. Վ. Թուրեան | |
|---|---|
 | |
| Ծնած է | 13 Փետրուար 1872 |
| Ծննդավայր | Թեքիրտաղ, Ատրիանուպոլսոյ նահանգ (վիլայէթ), Օսմանեան Կայսրութիւն |
| Մահացած է | 1915 |
| Մասնագիտութիւն | հոգեւորական |
Գէորգ Ծ. Վ. Թուրեան, Պըչաքճեան, (13 Փետրուար 1872, Ռոտոսթօ - 1915-ին անհետ կորսուած), հոգեւորական, կրթական մշակ։
Կեանք ու գործունէութիւն
[Խմբագրել | Խմբագրել աղբիւրը]Աշխարհականի կեանքը
[Խմբագրել | Խմբագրել աղբիւրը]Ծնած է Ռոտոսթօ։Նախնական ուսումը կը ստանայ իր ծննդավայրին մէջ եւ ապա՝ կը բոլորէ Երուսաղեմի Ժառանգաւորաց վարժարանի դասընթացքները։
Հայրենակից է՝ Սարգիս Տէր Սարգիսեանին հետ (յետագային առաջնորդ Պրուսայի)։
1893-էն մինչեւ 1895-ին տնօրէն է Չորլուի ազգային դպրոցին։ Յետոյ Եգիպտոս կ՛անցնի, ուր կը զբաղի գրականութեամբ։
1897-ին Ամերիկա կը մեկնի եւ Տորչեսթըր համալսարանի աստուածաբանական դասընթացքներուն հետեւելով կը ստանայ փրոֆեսորի վկայականը։ Կը դասաւանդէ նոյն համալսարանին մէջ։ Պօրտ ընկերութեան կողմէն, կ՛ուղարկուի Եւրոպայի զանազան քաղաքները, նաեւ Երուսաղեմ, հնախուզական պրպտումներ կատարելու համար։ Ապա, Եգիպտոս կը վերադառնայ եւ անկէ կ՛անցնի Կալկաթա (Հնդկաստան) տեսչական պաշտօններ վարելով։
Հոգեւորական կեանքը
[Խմբագրել | Խմբագրել աղբիւրը]Աշխարհական անունը անփոփոխ կը պահէ երբ 1911-ին վարդապետ կը ձեռնադրուի Իզմիթի Առաջնորդարանէն։
1912-ին աստուածաբանութեան եւ փիլիսոփայութեան դասեր կու տայ Արմաշի դպրեվանք․ յետոյ Պոլիս կ՛անցնի, որպէս առժամեայ քարոզիչ Կէտիկփաշայի եւ Մագրիքէոյի հայկական եկեղեցիներուն։ Նոյն տարին, կ՛ընտրուի Տրապիզոնի առաջն․ տեղապահ։
Ա․ Համաշխարհային պատերազմին սկիզբները, կը փորձէ քանիցս Պոլիս երթալ, սակայն ապարդիւն, որովհետեւ Վոսփորի նեղուցը փակուած էր։ Քանի մը ամիս ետք, հայ տարագրութեան ատեն, Պոլիս կը հեռագրէ հետեւեալը․-"Կարին (Էրզրում)՝ պատերազմական ատեան զիս կը տանին․․․" ․․․եւ այնուհետեւ ոչ մէկ լուր իրմէ։
Տե՛ս նաեւ
[Խմբագրել | Խմբագրել աղբիւրը]Աղբիւրներ
[Խմբագրել | Խմբագրել աղբիւրը]- Յուշարձան 1919, էջ՝ 83 Archived 2020-07-04 at the Wayback Machine.