Գերմանիկ (հանդէս)

«Գերմանիկ», քառամսեայ (սկիզբը՝ եռամսեայ եւ երկամսեայ) հանդէս։ Լոյս կը տեսէ 1930 թուականէն, Նիւ Եորքի մէջ։ Մարաշի Հայրենակցական միութեան Ամերիկայի շրջանակի հրատարակութիւն է։ Հիմնադիր խմբագիրը Գ․ Գալուստեանն էր, խմբագիրը՝ Ա․ Փօլատեանը։

Գործունէութիւն[Խմբագրել | Խմբագրել աղբիւրը]

Նպատակն էր սփիւռքի մարաշցիներուն ներգրաւել Հայրենակցական միութեան կրթական, մշակութային գործունէութեան ոլորտը, ամրապնդած անոնց կապը Խորհրդային Հայաստանի հետ։ Պարբերաբար ակնարկներ կը տպագրէր հայրենադարձ մարաշցիներու, Նոր Մարաշ աւանի մասին, կը հրատարակէր Խորհրդային Հայաստան այցելած մարաշցիներու տպաւորութիւնները, ազգագրական նիւթեր։ «Գերմանիկը» կը ներկայացնէր մասնաճիւղերու կեանքը, կը տպագրէ Միութեան շրջաբերականներն ու յայտարարութիւնները, ինչպէս նաեւ գրական, գեղարուեստական եւ պատմական գործեր։ Ունէր անգլերէն բաժին։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։