Գեղամ Սեւան Տատուրեան

Գեղամ Սվաճեան։
Ծնած է	1926
Ծննդավայր	Իսթանպուլ
Մահացած է	1991

Սեւան Գեղամ (բուն անունով՝ Գեղամ Սվաճեան, 1926-1991), հայ արձակագիր։

Կենսագրութիւն

Ծնած է Իսթանպուլ, եւ մահացած՝ Երեւան։ Յաճախած է Վիեննական Մխիթարեան վարժարան։ Հետեւած է Իսթանպուլի համալսարանի իրաւագիտական ֆաքիւլթէի դասընթացքներուն։ Վկայուած է Երեւանի մանկավարժական ինստիտուտի բանասիրական ճիւղէն։ Ուսուցչագործած է Պէյրութի Մխիթարեան եւ Երեւանի 26 Կոմիսարներու անուան միջնակարգ վարժարաններուն մէջ։ իբրեւ գիտաշխատող պաշտօնավարած է Երեւանի Գիտութիւններու Ակադեմիայի գրականութեան ինստիտուտին մէջ։ Աշխատակցած է Իսթանպուլահայ, Պէյրութահայ եւ հայրենի մամուլին։ Պէյրութի մէջ մասնակցած է Գիրք Գրականութեան Եւ Արուեստի հանդէսի խմբագրական աշխատանքներուն (1959)։ Երեւանի մէջ, գործակիցներու հետ պատրաստած է Հայ Գրականութեան դասագիրք (1964)։ Ունի անաւարտ՝ Պարսկանայ Գրականութիւն ուսումնասիրութիւնը եւ Սիրոյ Պանթէոն վէպը։ Անդամ եղած է Հայաստանի Գրողներու Միութեան։ 1949-ին կը հաստատուի Պէյրութ, իսկ 1962-ին Երեւան։

Հրատարակուած Գործեր

• Ագռաւները Թառեցան (վէպ) - Պէյրութ, 1949։
• Սեւ Ծովը Նոյնն է Միշտ (պատմուածքներ) ֊ Պէյրութ, 1954։
• Նահրէն Րաս Պէյրութ (թատերգութիւն) - Փարիզ, 1955։
• Կանաչ Անապատ (պատմուածքներ) - Երեւան, 1957 (կը պարունակէ Սեւ Ծովը Նոյնն է Միշտը).
• Բիւրեղեայ Դղեակ (վէպ) ֊ Ա. հտ. Պէյրութ, 1959։
• Ծիծեռնակները Ցածէն Անցան (պատմուածքներ) - Պէյրութ,1961։ Երեւան, 1964 (կը պարունակէ նաեւ Բիւրեղեայ Դղեակը։
• Վազգէն Ծուշանեան (Կեանքն Ու Ստեղծագործութիւնը) (մենագրութիւն) - Երեւան, 1968։
• Հայոց Թաղը (պատմուածքներ) - Երեւան, 1967։
• Երեք Սերունդ (վիպակներ) - Երեւան, 1974։
• Ամէն Մարդ Իր ճաՆապարհով (պատմուածքներ) - Երեւան,1979։
• Սփիւռքահայ Գրականութեան Ուրուագիծ ֊ Երեւան, Ա. հտ.1980։ Բ. հտ. 1997։
• Յակոբ Մնձուրի (մենագրութիւն) - Երեւան, 1981։
• Ինչո՞ւ, Ինչի՞ Համար (վէպ) ֊ Երեւան, 1982։
• Հող Եւ Սէր (վէպ) - Երեւան, 1986։
• Համաստեղ (մենագրութիւն) - Երեւան, 1989։