Գառնուկներուն Լռութիւնը

Գառնուկներուն Լռութիւնը
Պատկեր:The Silence of the Lambs poster ARM.jpg
The Silence of the Lambs
Բեմադրիչ Ճոնաթան Տեմմի
Արտադրիչ Քենեթ Ուտտ
Էդվարդ Սաքսոն
Ռոնալդ Բոզման
Գրագէտ Թոմաս Հարրիս (վէպ)
Թատերագիր Տեդ Տալլի
Արտադրող
ընկերութիւններ
Orion Pictures
Strong Heart/Demme Production
Թողարկման
թուական
1991
Տեւողութիւն
118 Վրկ.
Երկիր Ամերիկայի Միացյալ Նահանգներ ԱՄՆ
Լեզու Անգլերէն
Պիւտճէ $19 Միլիոն Տոլար

Գառնուկներուն Լռութիւնը (անգլ.՝ The Silence of the Lambs), 1991 թուականին նկարահանուած զգայացունց տրամա (thriller) ժանրի ամերիկեան ֆիլմ։ Նկարահանուած է Թոմաս Հարրիսի համանուն վէպի հիման վրայ։

Ֆիլմը ընդհանուր թիւով արժանացած է 40 տարբեր մրցանակներու (5 Օսքար, 1 Ոսկէ Կլոպուս, 2 BAFTA, Ոսկէ Արջ եւ այլն) եւ ներկայացուած է եւս 27 մրցանակներու։ Օսքարի պատմութեան մեջ միայն 3 ֆիլմեր՝ «Այդ պատահեցաւ գիշեր մը» (1934 թ.), «Թռիչք կկուի բոյնի վրայէն» (1975 թ.) եւ «Գառնուկներուն լռութիւնը» արժանացած են 5 մեծ Օսքարի (լաւագոյն ֆիլմ, լաւագոյն ռեժիսոր, լաւագոյն թատերգութիւն, լաւագոյն դերասան, լաւագոյն դերասանուհի անուանակարգերուն մէջ)։

Ամերիկեան բոլոր ժամանակներու ֆիլմերու 100 լաւագոյն դրական եւ բացասական հերոսներու ցանկին մէջ գլխաւոր հերոսուհի Քլարիսը 6-րդ տեղը կը գրաւէ որպէս դրական հերոս, իսկ Հաննիպալ Լեքտրը կը գլխաւորէ բացասական հերոսներու ցանկը։ Ամերիկեան բոլոր ժամանակներու 100 զգայացունց տրամա ֆիլմերու ցանկին 5-րդն է։

Կը համարուի շարժանկարի պատմութեան լաւագոյն զգայացունց տրամա ֆիլմերէն մեկը։

Նիւթ[Խմբագրել | Խմբագրել աղբիւրը]

ՀԴԲ-ն կը հետաքննէ շարք մը սպանութիւններ, կատարուած անյայտ մարդասպանի մը կողմէ։ Անյայտ մարդասպանը կ'անուանեն «Պուֆֆալօ Պիլլ», որովհետեւ ան մարդասպանութիւն գործելէն ետք, կը մաշկազերծէ իր զոհերը։

Չկրնալով գտնել մարդասպանին հետքերը, ՀԴԲ-ն կ'որոշէ դիմել չափազանց վտանգաւոր մարդասպան՝ Հաննիպալին, նախկին հոգեբան Հաննիպալ Լեկտրինին (Էնթոնի Հոփքինզ)։ Անոր հետ երկխօսութեան կը ղրկուի երիտասարդ հոգեբան, ՀԴԲ-ի աշխատակից Քլարիս Սթերլինկը (Ճուտի Ֆոսթըր)։

Հաննիպալ կը համաձայնի օգնել մարդասպանը գտնելու, պայմանով որ Քլարիսը պիտի պատմէր իր մասին։ Անոնց երկխօսութեան ժամանակ Քլարիսը կը պատմէ, որ մանուկ ատեն ան փախած է տունէն, փորձելով փրկել գառնուկ մը, որ պիտի մորթուէր եւ Քլարիսի մանկութեան յուշերուն մեջ մնացած է մորթուելու տարուող գառնուկներուն լացին ձայնը։

Լսելով Հաննիպալ Լեկտրի խորհուրդները, Քլարիս կը գտնէ մարդասպանին հետքը ...

Դերեր .-[Խմբագրել | Խմբագրել աղբիւրը]

  • Ճուտի Ֆոսթըր - Քլարիս Սթերլինկ
  • Էնթոնի Հոփքինզ - Հաննիպալ Լեկտըր
  • Սքոթ Կլենն - Ճեք Քրոուֆորտ
  • Թեդ Լիվայն - Ճեյմ Գամբ/ Պուֆֆալօ Պիլլ
  • Պրուք Սմիթ - Քեթրի Մարթին
  • Էնթոնի Հիլդ - տոքթոր Ֆրետերիկ Չիլտոն
  • Քեյսի Լեմմոնս - Արդելիա Մեպպ
  • Տայեն Պեյքեր - սենատոր Ռութ Մարթին
  • Չառլզ Նեպեր - Լեյտենանտ Պոյլ
  • Ռոճեր Կորման - Հայտըն Պյորք