Բամբա

Բամբա
	Բամբա
Երկիր	Արժանթին; Պրազիլ; Ուրուկուէյ
ԲԾՄ	160±1 մեթր

Բամբա
Բնական շրջան
	Բամբա
	Բամբան․ տարածուած է Պրազիլի հարաւի ծայչամասը, Արժանթինի հիւսիս-արեւմտեան շրջանը եւ ամբողջ Ուրուկուէյի երկիրը
Երկիր	Արժանթին; Պրազիլ; Ուրուկուէյ
Տարածութիւն	1․200․000 քլ² քմ²
ԲԾՄ	160±1 մեթր
Բնակչութիւն	43 909 235 մարդ

Բամբա (Pampa՝ բնիկ քեչուա լեզուի բառ որ դաշտ կը նշանակէ). Հարաւային Ամերիկայի բարեբեր ու անծայրածիր արօտավայրեր։ Բանբան ընդարձակուած է Արժանթինի Պուէնոս Այրէս, Լա Բամբա, Սանթա ֆէ, Էնթրէ Ռիոս եւ Քորտոպա շրջաններուն եւ Պրազիլիոյ հարաւային Ռիօ Կրանտէ տօ Սուլ նահանգին մէջ, ինչպէս նաեւ Ուրուկուէյի ամբողջ տարածքին։

Ընդհանուր տեղեկութիւններ[Խմբագրել | Խմբագրել աղբիւրը]

Բամբային տարածութիւնն է 1․200․000 քլ²։ Գրեթէ ամբողջութիւն մը կազմած այդ անսահման արօտավայրերը բնական շրջան մըն են․ ընհատուած են միայն Պահիա Պլանքա եւ Թանտիլ քաղաքներուն մօտ գտնուող բլուրներէն՝ 1500 եւ 500 մեթր բարձրութեամբ։

Բուսականութիւն եւ տնտեսութիւն[Խմբագրել | Խմբագրել աղբիւրը]

Յաճախակի հրդեհներուն պատճառով, բամբային մէջ կը բարգաւաճին փոքր բոյսերը։ «Բամբային խոտ»ը (Cortaderia selloana) բամբային իւրայատկութիւնն է եւ կ՛ընդգրկէ մշտատեւ դալարիք եւ խոտ։ Տեղէ տեղ խոտի տեսակները կը տարբերին ստացուած ջուրի քանակութեան պատճառով։

«Բնութեան համաշխարհային հիմնադրամ»ը (WWF) բամբան երեք կենսաշրջաններու կը բաժնէ․-

Ուրուկույէյի արօտադաշտ․ տարածուած է Բարանա գետին արեւելքը, Ուրուկուէյի մեծ մասին մէջ, Արժանթինի Էնթրէ Ռիոս եւ Քորիենթես նահանգներուն մէջ եւ Պրազիլի հարաւը գտնուող Ռիօ Կրանտէ տօ Սուլ նահանգին մէջ․
Անսահման բամբան
Խոնաւ բամբան․ տարածուած է Պուէյնոս Այրես նահանգին արեւելեան մասին մէջ եւ Էնթրէ Ռիոս նահանգին հարաւը․
Կիսաչոր բամբան․ տարածուած է Պուէյնոս Այրես նահանգին արեւմուտքը եւ Սանթա Ֆէ, Քորտոպա եւ Լա Բամբա մերձաւոր շրջանները։

Բանբան Հարաւային Ամերիկայի հացահատիկի, եգիպտացորենի եւ անասնապահական պարէնի արտադրութեան մեծագոյն շրջանն է։ 2000-էն ետք, բամբային մէջ զարգացաւ այգեգործութիւնը․ կ՛արտադրուի «Պուէյնոս Այրեսի գինիները» կամ «Մետանոս» կոչուած գինին։ Այդ մշակումները կ՛ողողուին երբ զօրաւոր անձրեւ կը տեղայ։