Արշակ Փոլատեան
| Արշակ Փոլատեան | |
|---|---|
 | |
| Ծնած է | 1950 |
| Ծննդավայր | Սուրիա |
| Ուսումնավայր | Խ. Աբովեանի Անուան Մանկավարժական Համալսարան |
| Մասնագիտութիւն | դիւանագէտ |
Արշակ Փոլատեան (1950, Սուրիա), դեսպան, արաբագէտ, աղբիւրագէտ, քրտագէտ, պատմական գիտութիւններու դոկտոր, փրոֆէսօր։
Երկար տարիներ եղած է Սուրիոյ մէջ ՀՀ արտակարգ եւ լիազօր դեսպան։ 2014 տարուան վերջաւորութեան Դամասկոսի «Շարք» հրատարակչատունը լոյս ընծայած է դոկտ. փրոֆ. Արշակ Փոլատեանի «Օսմանեան կայսրութեան մէջ Հայոց ցեղասպանութեան ականատեսներ (փաստաթուղթերու հաւաքածոյ)» վերնագիրով արաբերէնով գիրքը, զոր հեղինակը ձօնած է «վայրագօրէն զոհուած անմեղ նահատակներու հոգւոյն»[1]:
14 Նոյեմբեր 2018-ին, Սուրիոյ արտաքին գործոց նախարարութիւնը, Դամասկոսի «For Seasons» պանդոկէն ներս կազմակերպած է Սուրիոյ մէջ ՀՀ դեսպան փրոֆ. Արշակ Փոլատեանի հրաժեշտի երեկոն՝ անոր պաշտօնավարումին աւարտին առիթով։ Երեկոյթին ընթացքին դեսպանին շնորհուած է Սուրիական Արժանաւորաց Առաջին Կարգի Շքանշանը, առ ի գնահատանք բարեկամ երկիր Հայաստանին եւ մեծարանք ազնիւ ու ջանասէր դեսպանին[2]։
2018-ին Հայաստանի Հանրապետութեան նախագահ Արմէն Սարգսեանի հրամանագիրով նշանակուած է Թունիսի Հանրապետութեան մէջ ՀՀ արտակարգ եւ լիազօր դեսպան[3]։
26 Սեպտեմբեր 2021-ին, իբրեւ գնահատանք քիւրտ ժողովուրդի պատմութեան, ժառանգութեան եւ թարգմանութեան բնագաւառներուն մէջ ունեցած ջանքերուն եւ այդպիսով քիւրտ ժողովուրդին մատուցած ծառայութիւններուն, ընտրուուած է Իրաքեան Քիւրտիստանի Գիտութիւններու ակադեմիայի պատուաւոր անդամ[4]։
Ծանօթագրութիւններ
[Խմբագրել | Խմբագրել աղբիւրը]- ↑ «Նոր Հրատարակութիւն` «Օսմանեան Կայսրութեան Մէջ Հայոց Ցեղասպանութեան Ականատեսներ (Փաստաթուղթերու Հաւաքածոյ)», Դոկտ. Փրոֆ. Արշակ Փոլատեան – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-03-15
- ↑ «ՍՈՒՐԻՈՅ ՄԷՋ ՀՀ ԴԵՍՊԱՆ ԱՐՇԱԿ ՓՈԼԱՏԵԱՆ ՊԱՐԳԵՒԱՏՐՈՒԵՑԱՒ ՍՈՒՐԻԱԿԱՆ ԱՐԺԱՆԱԻՈՐԱՑ ԱՌԱՋԻՆ ԿԱՐԳԻ ՇՔԱՆՇԱՆՈՎ»։ Abaka News (en-CA)։ 2018-11-19։ արտագրուած է՝ 2023-03-15
- ↑ editor_s (2019-11-18)։ «Արշակ Փոլատեան կը նշանակուի Թունիսի մէջ ՀՀ դեսպան»։ Abaka News (en-CA)։ արտագրուած է՝ 2023-03-15
- ↑ «Առաջին Անգամ Ըլլալով Հայ Գիտնական Մը Ընտրուեցաւ Իրաքեան Քիւրտիստանի Գիտութիւններու Ակադեմիայի Պատուաւոր Անդամ – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-03-15