Արմենակ Սալմասլեան
| Արմենակ Սալմասլեան | |
|---|---|
| Ծնած է | 10 Դեկտեմբեր 1888[1][2] |
| Ծննդավայր | Բուրսայի մարզ, Օսմանեան Կայսրութիւն[2] |
| Մահացած է | 7 Յունուար 1971[1][2] (82 տարեկանին) |
| Մահուան վայր | Փարիզ[2] |
| Քաղաքացիութիւն |
.svg){kind=small} Օսմանեան Կայսրութիւն.svg){kind=small} Ֆրանսա |
| Ուսումնավայր |
Պէրպէրեան Վարժարան Ռոպերթ Գոլէճ |
| Մասնագիտութիւն | գիտնական |
| Վարած պաշտօններ | տնօրէն |
Արմենակ Սալմասլեան (10 Դեկտեմբեր 1888[1][2], Բուրսայի մարզ, Օսմանեան Կայսրութիւն[2] - 7 Յունուար 1971[1][2], Փարիզ[2]), իրաւաբան, յայտնի անուն եղած է ֆրանսահայ համայնքին մէջ իբրեւ գրադարանապետ։
Կենսագրական գիծեր
[Խմբագրել | Խմբագրել աղբիւրը]Ծնած է Պրուսայի շրջանի Մխալիջ գիւղը։ Նախնական կրթութիւնը ստացած է Պոլսոյ «Պէրպէրեան» վարժարանին (1900-1906), ապա ուսանած է ամերիկեան «Ռոպերթ» քոլէճին մէջ (1906-1911)։
1911-ին մեկնած է Փարիզ, ուր հետեւած է համալսարանի իրաւաբանական ճիւղին (1911-1914)։
Գործունէութիւն
[Խմբագրել | Խմբագրել աղբիւրը]1920-1922-ին իբրեւ Ազգային Պատուիրակութեան քարտուղար աշխատած է, իսկ 1922-1930-ին՝ իբրեւ Պարսկաստանի Փարիզի մէջ պատուակալ հիւպատոս Ներսէս խան Ներսէսեանի անձնական քարտուղար։
Եօթը տարի իրաւաբանական գրասենեակի մը մէջ աշխատելէ ետք, 1940–1947-ին դարձած է Փարիզի ազգային մատենադարանի արեւելեան լեզուներու բաժնի վարիչը, 1951-էն՝ Նուպարեան մատենադարանի տնօրէնը։
Աշխատութիւններ
[Խմբագրել | Խմբագրել աղբիւրը]1921-ին հրատարակած է ֆրանսերէն տնտեսագիտական-իրաւական աշխատութիւն մը՝ “La clause de la nation plus favorisée” («Ամենէն նպաստաւորուած ազգին դրոյթը»), իսկ յաջորդ տարի ստացած է իրաւաբանութեան դոկտորի տիտղոսը։
Հայագիտական յօդուածներով թղթակցած է զանազան թերթերու եւ պարբերականներու։
1946-ին լոյս տեսած է Սալմասլեանի «Հայկական մատենագիտութիւն» աշխատութիւնը, որ լրացուած եւ ճշգրտուած տարբերակը հրատարակուած է Երեւանի մէջ, 1969-ին։ Ան կը ներառէ հայագիտութեան բոլոր բնագաւառներուն մէջ օտար լեզուներով մինչեւ 1965 լոյս տեսած հետազօտութիւններ։
1967-ին Սալմասլեան արժանացած է Երեւանի Մատենադարանի «Մեսրոպ Մաշտոց» յուշամետալին[3]։
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 1,2 1,3 1,4 Bibliothèque nationale de France data.bnf.fr: open data platform — 2011.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Հայկական սովետական հանրագիտարան, հատոր 10 — հատոր 10. — է. 119.
- ↑ «ԱՐՄԵՆԱԿ ՍԱԼՄԱՍԼԵԱՆ (մահ՝ 7 Յունուար, 1971)»։ Armenian Prelacy (en-US)։ 2024-01-04։ արտագրուած է՝ 2024-01-10
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|