Արամ Սիմոնեան
| Արամ Սիմոնեան | |
|---|---|
| Ծնած է | 12 Ապրիլ 1955 |
| Ծննդավայր | Գորիս, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Մահացած է | 8 Յունիս 2022[1] (67 տարեկանին) |
| Մահուան վայր | Երեւան, Հայաստան |
| Քաղաքացիութիւն |
 Խորհրդային Միութիւն Հայաստան |
| Ուսումնավայր |
Երեւանի Պետական Համալսարան ԽՍՀՄ ԳԱ պատմութեան ինստիտուտ |
| Կոչում | փրոֆէսոր |
| Մասնագիտութիւն | պատմաբան, հրապարակախօս |
| Աշխատավայր |
Հայաստանի Գիտութիւններու Ազգային Ակադեմիայի Պատմութեան Հիմնարկ Երեւանի Պետական Համալսարան |
| Վարած պաշտօններ | ռեկտոր? |
| Կուսակցութիւն | Հայաստանի հանրապետական կուսակցութիւն |
Արամ Հրաչիկի Սիմոնեան (12 Ապրիլ 1955, Գորիս, Հայաստանի Խորհրդային Ընկերվարական Հանրապետութիւն, Խորհրդային Միութիւն - 8 Յունիս 2022[1], Երեւան, Հայաստան), Երեւանի պետական համալսարանի նախկին տնօրէն, պատմագէտ, հրապարակախօս, Հայաստանի Հանրապետութեան գիտութեան վաստակաւոր գործիչ (2014), Հայաստանի Հանրապետական կուսակցութեան անդամ:
Կենսագրութիւն[Խմբագրել | Խմբագրել աղբիւրը]
Կրթութիւն[Խմբագրել | Խմբագրել աղբիւրը]
1961-1972 թուականներուն Արամ Սիմոնեան ուսում ստացած է Գորիս քաղաքի միջնակարգ դպրոցը: 1972-1977 թուականներուն ուսումը շարունակած է Երեւանի պետական համալսարանի պատմութեան բաժանմունքին մէջ։ 1977-1981 թուականներուն աւարտած է Մոսկուայի ԽՍՀՄ ԳԱ պատմութեան հիմնարկի մէջ։ 1983 թուականին պաշտպանած է աւարտաճառը։ 2000-ին պաշտպանած է դոկտորական թէզը: 2005 թուականին ստացած է ուսուցչական գիտական կոչում: Տիրապետած է 3 լեզուներու՝ հայերէն, ռուսերէն, անգլերէն:
Գիտական գործունէութիւն[Խմբագրել | Խմբագրել աղբիւրը]
Ա.Սիմոնեան հեղինակ է 85 գիտական աշխատանքներու, որոնցմէ 4-ը մենագրութիւններ են: Գիտական հետազօտութիւնները կը վերաբերին հայ ժողովուրդի Ժթ դարու երկրորդ կիսուն եւ Ի դարու սկիզբի պատմութեան հիմնահարցերուն՝ յատկապէս պատմական վիճակագրութեան, արդիւնաբերական դրամագլխուն, ինչպէս նաեւ Արցախի եւ Զանգեզուրի 1917-1921 թուականներուն պատմութեան խնդիրներուն: Անոր ղեկավարութեամբ պաշտպանուած է 10 աւարտաճառեր։ Մասնակցած է բազմաթիւ միջազգային եւ հանրապետական գիտաժողովներու: Բազմիցս հրաւիրուած է Իտալիոյ, Պելճիքայի, Մեծն Բրիտանիոյ, Գերմանիոյ, Սպանիոյ, ԱՄՆ-ի եւ աշխարհի շարք մը այլ երկիրներու գիտակրթական կեդրոններ, ուր զբաղած է գիտակրթական գործունէութեամբ: