Ամուր-Աւան
| Բնակավայր | |
|---|---|
| Ամուր-Աւան | |
| Երկիր |
 Ազրպէյճանի Հանրապետութիւն |
| ԲԾՄ | 695 մեթր |
| Ժամային գօտի | UTC+4։00 |
| Փոստային ցուցանիշ | AZ3615[1] |
Ամուր-Աւան, նախկին հայկական, ներկայիս ազրպէյճանական գիւղ՝ Կոկիսոն գետի աջ ափի բարձունքին, ամրոցանման դիրքով եւ հիանալի տեսարաններով:
Պատմութիւն[Խմբագրել | Խմբագրել աղբիւրը]
Գիւղին շուրջ 150 տուն բնակիչները Արցախի գաւառներէն տեղափոխուած են հոն:
Գիւղին Սուրբ Ամենափրկիչ եկեղեցւոյ կողքին կը գործէր Գէորգեան վարժարանը, որուն ծախսերը Պաքուի Մարդասիրական ընկերութիւնը կը հոգար:
Ամուր-Աւանի հիւսիսային կողմը, անտառներով ու մացառներով ծածկուած Ուզուխի գերեզմանատունն էր` հնադարեան տապանաքարերով:
Հետաքրքրական են տապանաքարերուն վրայի արձանագրութիւններուն անձնանունները. «ԹՎ.ՃԻ Սոտումաւկ», «ԹՎ. Մ Բայում», «ԹՎ. Շիփ Ջոնտար», «ԹՎ. ՉԽ Աստուած ողորմի Խոտբաշխի հոգուն», «Թվ. Ջ Աստուած ողորմի Ասլանին», «Արտաշիր Ջուշերի որդի ԹՎ. ՋԼԲ», «ԹՎ. ՋԿԱ Աստուած ողորմի Ճուանշիրի հոգուն»: Եւ տակաւին` Էալիղա, Խդիրշ, Միրասոն, Շիւբանդա եւ Ովաքշա անձնանուններ:
Գիւղին մօտ կը գտնուէր նաեւ Պառաւի բաղի գերեզմանատունը: Տապանաքարերու արձանագրութիւններն են` «Հանգիստ Ուստա Մուրատին Թվ. ՋԱ», «Թվ. ՊԵ. Սուլթան Շահ», «Աստուած ողորմի Ղուբաթիս Թվ. հայոց Ջ., «Թվ. ՋԺԵ Աստուած ողորմի Տէր Ովանէսին, խիստ բարի մարդ էր», եւ անձնանուններ` Բափադար, Եարաջ, Խասխաթուն, Խպլա, Սուրվար, Ճաշ, Վասխոտ եւ Ոսաղա[2]:
Ծանօթագրութիւններ[Խմբագրել | Խմբագրել աղբիւրը]
- ↑ http://www.azerpost.az/?options=content&id=188
- ↑ «Բուն Աղուանքի հայերէն վիմագիրերը»։ արխիւացուած է բնօրինակէն-էն՝ 2021-07-18-ին։ արտագրուած է՝ 2024-02-17