Jump to content

Ալեքսանդր Միասնիկեանի յուշարձան (Երեւան)

Ալեքսանդր Միասնիկեանի յուշարձան, կը գտնուի Երեւան, տեղադրուած է 1980-ին, ի պատիւ հայ կուսակցական, քաղաքական, հասարակական գործիչ Ալեքսանդր Միասնիկեանի։ Ընդգրկուած է Երեւանի Կեդրոն վարչական շրջանի պատմութեան եւ մշակոյթի անշարժ յուշարձաններու ցանկին մէջ։

Յուշարձանը կառուցուած է կրանիտէ ու պազալտէ, բարձրութիւնը 8,6 մեթր է։

Արձանի յետնամասը գտնուող պատերէն մէկուն վրայ փորագրուած է Եղիշէ Չարենցի Միասնիկեանի յիշատակին 16 Ապրիլ 1936-ին գրուած քառատողի առաջին տողը. «Նայիրեան արեւն էր քո մէջ՝ լենինեան հրով ճառագած»։

10 Փետրուար 1976-ին Երեւանի մէջ տեղադրուեցաւ Ալեքսանդր Միասնիկեանի յուշարձանը կառուցելու մասին յուշաքար։

Յուշարձանի բացումը կայացաւ 25 Նոյեմբեր 1980-ին ՀԽՍՀ 60-ամեակի տօնակատարութեան օրերուն, Կարմիր բանակի (այժմ՝ Գրիգոր Լուսաւորչի) փողոցին մէջ[1]։

Ծանօթագրութիւններ

[Խմբագրել | Խմբագրել աղբիւրը]
  1. Արտուշ Խանճեան, Երեւանի արձանները, «ՎՄՎ Փրինթ», Երեւան, 2004

Արտաքին յղումներ

[Խմբագրել | Խմբագրել աղբիւրը]