Աբրահամ Սէքլէմեան

Աբրահամ Սէքլէմեան (1864, Մուսա Լեռ (Պիթիաս գիւղ) - 1920, Ֆրեզնօ[1]), կը նկատուի Մուսա Լերան ժողովուրդի առաջին մտաւորականն ու հրապարագիրը:

Կենսագրութիւն եւ գործունէութիւն[Խմբագրել | Խմբագրել աղբիւրը]

Ծնած է Մուսա Լերան Պիթիաս գիւղը եւ յաճախած գիւղի ծխական դպրոցը: Փոքր տարիքէն աչքի զարկած է իր արտակարգ ուշիմութեամբ եւ աշխատասիրութեամբ: Տիրապետած է անգլերէն լեզուին: Ուսուցիչ եղած է Կարինի մէջ ուր ձերբակալուած է իբրեւ յեղափոխական:

Բանտէն ազատ արձակուած է եւ Պոլսոյ մէջ լոյս ընծայած իր երկու հատորները՝ «Մարդ Ըլլալու Միջոցը» եւ «Ճշմարիտ Կինը»:

Մեկնած է Ամերիկա, ուր 1898-ին լոյս տեսած է իր անգլերէն լեզուով հատորը՝ «Կոլտըն Մէյտըն» խորագրով:

1908-ին, Ֆրեզնօ քաղաքին մէջ, քանի մը դաշնակցական ընկերներու օժանդակութեամբ, հիմը դրած է «Ասպարէզ» թերթին 1908 թուականին՝[2][3] վարելով անոր խմբագրապետի պաշտօնը երկար տարիներ:

Մահացած է Ամերիկա, 1920-ին։

Ծանօթագրութիւններ[Խմբագրել | Խմբագրել աղբիւրը]

  1. «LibriVox»։ librivox.org։ արտագրուած է՝ 2020-08-18 
  2. «50 Տարի Առաջ (29 Հոկտեմբեր 1968)»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-10-29։ արտագրուած է՝ 2020-08-18 
  3. «Լաւագոյն Ձեւակերպումը «Ասպարէզ»ի Առաքելութեան»։ Asbarez - Armenian (en-US)։ 2008-08-08։ արտագրուած է՝ 2020-08-18 [permanent dead link]