«Հոպի-հորսինկ»
Արտաքին տեսք
![](http://upload.wikimedia.org/wikipedia/commons/thumb/5/5d/Esteit%C3%A4keppihevosella2020.jpg/240px-Esteit%C3%A4keppihevosella2020.jpg)
«Հոպի-հորսինկ»ը նոր «մարզանք» մըն է, որ տարածուած է ֆինլանտացի 10,000 պարմանուհիներուն մէջ:
Այս մարզանքը կը կայանայ տախտակէ ձիու մը վրայ նստած` իսկական ձիու մրցումներու նման ցատկել արգելապատնէշներու վրայէն եւ ձիուն ձեւերը կատարել տալ[1]:
Այս մարզաձեւը կ'ընդգրկէ մարմնամարզի մեծ բաժիններ, ցատկելու կարողութիւն եւ պալէի շարժումներ: Մասնակիցները մեծամասնութեամբ 10-18 տարեկան կ'ըլլան[2][3]:
![](http://upload.wikimedia.org/wikipedia/commons/thumb/a/a3/Esimerkkikeppihevostallista2019.jpg/220px-Esimerkkikeppihevostallista2019.jpg)
«Մարզիկները» կրնան անձամբ շինել իրենց «ձիերը» կարելով, հիւսելով, եւ տարբեր տեսակի նիւթեր գործածելով:
Ֆինլանտայի Վանթաա քաղաքին մէջ 29 Ապրիլին 2017-ին, տեղի ունեցած է «հոպի-հորսինկ»ի մրցում մը, որուն մասնակցած է 200 մարզիկ` աւելի քան 1000 հանդիսատեսի ներկայութեան: