Դպրեվանք (Կիւմրի)
Դպրեվանք, վանք Շիրակ գաւառին մէջ։ Ան կը հանդիսանայ Կումայրիի մէջ՝ կառուցուած առաջին եկեղեցին, որ ըստ որոշ աղբիւրներու՝ կառուցուած է VII դարուն։ Եղած է մշակոյթի կեդրոն։[1]
Վանքը գտնուած է բլուրի վրայ ներկայիս՝ «Ալեքսանդրապոլ» ամրոցի տարածքին մէջ։[2]
Դպրեվանքին մէջ, կրթութիւն ստացած է՝Անանիա Շիրակացին։[1]
Պատմութիւն[Խմբագրել | Խմբագրել աղբիւրը]
Կը յիշատակուի VII դարուն, կապուած՝ Բարսեղ Ճոնի անուան հետ, որ այդ ժամանակ եղած է Դպրեվանքի վանահայրը։ Կ'ենթադրուի, որ Դպրեվանքը կը համապատասխանէ Շիրակ գաւառի Կարմիր վանքին, որուն եկեղեցին խաչաձեւ գմբեթաւոր, չորս աւանդատներով կառուցուածք է։ Դպրեվանքի պատմութեան նշանաւոր փուլերէն եղած է X դարը, երբ Բիւզանդիոյմէջ հալածուած հայ վանականները՝ այստեղ ստեղծեցին խոշոր միաբանութիւն։[3]
Եկեղեցին հիմնովին վերակառուցուած է 935 թ.-ին՝ Աբաս Բագրատունի թագաւորի ջանքերով, Բիւզանդիայէն հալածուած հայ հոգեւորականներու մասնակցութեամբ։[1]
Եկեղեցին կանգուն մնացած է մինչեւ՝ 1837 թ.-ը, երբ սկսաւ կառուցուիլ «Ալեքսանդրապոլ» ամրոցը։ Դպրեվանքը ինկաւ՝ Ալեքսանդրապոլ ամրոցի տարածքի մէջ։ Զինուորական իշխանութեան հրամանով այն վերջնականապէս քանդեցին 1852 թ.-ին եւ անոր փոխարէն կառուցեցին զինապահեստ։[2]
Դպրեվանքին մէջ, պահուած է Աստուածածինի նշանաւոր խաչը, որով բուժուած է՝ Վրաց թագաւոր Դեմետրէ I-ի (1125–56) կինը, այնուհետեւ՝ Ս. Խաչը տեղափոխած են՝ Վրաստանի Վարձիա վանքը։[4]
Շինութեան Արտաքին Տեսքը[Խմբագրել | Խմբագրել աղբիւրը]
Աղբիւրներու համաձայն եկեղեցին կառուցուած է սեւ քարերէն եւ նման եղած է Կարսի Առաքելոց եկեղեցւոյ։ Ոմանց կարծիքի համաձայն եկեղեցին կը համապատասխանէ Շիրակ գաւառի կարմիր վանքին, որ խաչաձեւ, գմբեթաւոր, չորս աւանդատներով կառուցուածք է։[2]
Տե՛ս նաեւ[Խմբագրել | Խմբագրել աղբիւրը]
Աղբիւրներ[Խմբագրել | Խմբագրել աղբիւրը]
- Ստեփանոս Տարոնեցի Ասողիկ, Տիեզերական պատմութիւն, Ե., 2000
- Վարդան Արեւելցի, Տիեզերական պատմութիւն, Ե., 2001
- Ափրիկեան Ս., Պատկերազարդ բնաշխարհիկ բառարան, հ. 1, Վնտ., 1903–05
- Ատրպետ Ս., Դպրեվանք, ՀԱ, 1913, դ 10
- Thierry N. et M., A propos de quelques monuments chrétiens du vilayet de Kars (Turquie), “Revue des études arméniennes”, t. 8, P., 1971
- Cuneo P., Architettura armena dal quarto al diciannovesimo secolo, Roma, 1988
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 1,2 «Կիււմրիի հին ու նոր եկեղեցիները»։ արտագրուած է՝ 2014, Յուլիսի 24
- ↑ 2,0 2,1 2,2 «Հայաստանի եւ հարակից շրջաններու տեղանուններու բառարան», հտ 2, էջ 142
- ↑ ՀՍՀ, հատոր 3, էջ 441
- ↑ «Դպրեվանք»։ արխիւացուած է բնօրինակէն-էն՝ 2013-07-07-ին։ արտագրուած է՝ 2014 Հուլիսի 24