Jump to content

Catching Fire

Catching Fire
Հեղինակ Սուզան Քոլինզ
Երկիր Ամերիկայի Միացեալ Նահանգներ
Լեզու Անգլերէն
Հերթական թիւ 2
Ոճ Երեւակայական[1]
Հրատարակուած Scholastic
Հրատարակչական թուական
 1 Սեպտեմբեր, 2009
Գիրքի տեսակ Վիպաշար
Էջ 391
Նախորդ գիրք The Hunger Games
Յաջորդ գիրք Mockingjay


Catching Fire, 2009 թուականի պատանիներու երեւակայական վէպ մըն է, գրուած՝ ամերիկացի Սուզան Քոլինզին կողմէ։ Catching Fire վէպը, The Hunger Games վիպաշարին երկրորդ գիրքն է ու շարունակութիւնը՝ անոր պատմութեան։ Այս վիպաշարին գլխաւոր կերպարը Քաթնիս Էվըրտինն է: Վէպը կը պատմէ անոր ստեղծած ընբոստին մասին՝ կառավարութեան հանդէպ, որ կը տարածուի ամբողջ Փանեմին գաւառներուն շուրջ։ Պատմութեան մէջ, Քաթնիսը եւ Փիթա Մալլարքը կը ստիպուին վերադառնալ Hunger Games-ի խաղերուն։

Catching Fire վէպը առաջին անգամ հրատարակուեցաւ 1 Սեպտեմբեր, 2009 թուականին, Scholastic հրատարակչութեան կողմէ[2]: Catching Fire-ը կը ստանայ դրական քննադատութիւններ եւ Սուզան Քոլընզը կը գնահատուի Քաթնիսի կերպարին զարգացման համար։ Գիրքը կը վաճառուի աւելի քան 19 միլիոն օրինակներով, միայն Ամերիկայի Միացեալ Նահանգներուն մէջ։

Այս վէպին ֆիլմի տարբերակը կը կոչուի The Hunger Games: Catching Fire-ը կը հրատարակուի 22 Նոյեմբեր, 2013 թուականին։

Պատմութիւն

[Խմբագրել | Խմբագրել աղբիւրը]

74-րդ Hunger Games-ի յաղթանակէն ետք, Քաթնիսը եւ Փիթան կը վերադառնան 12-րդ գաւառը, որ ամէնէն աղքատ գաւառն է Փանեմ երկրին մէջ։ Այդ օրը երբ Քաթնիս եւ Փիթան կը սկսին իրենց «Յաղթանակի Շրջապտոյտը» Փանեմի ամբողջ գաւառներուն մէջ, երկրին Նախագահը՝ Սնօ-ն կ'այցելէ Քաթնիսին, ըսելով թէ ինք զայրացած է, որովհետեւ Քաթնիս խաղին օրէնքները խախտած է: Նախագահը նաեւ կ'ըսէ թէ Քաթնիսին այս վարուելակերպը կառավարութեան հանդէպ, ըմբոստութիւն ստեղծեց բոլոր գաւառներուն մէջ:

«Յաղթանակի Շրջապտոյտ»-ին ընթացքին, Քաթնիսին եւ Փիթային առաջին այցելած գաւառը եղաւ 11-րդը: Հոն կը բնակէր Ռուն՝ Քաթնիսին միակ փոքրիկ բարեկամուհին Hunger Games մրցանակին ժամանակ: Պաշտօնական արարողութեան ընթացքին, Քաթնիս կ'արտասանէ խօսք մը, շնորհակալութիւն յայտնելով ամբողջ գաւառին: Երբ կ'աւարտէ իր խօսքը, ծերունի մը կը սուլէ նոյն եղանակը, որ Ռուն կը կատարէր խաղերու ժամանակ եւ այսպիսով կառավարութեան զինուորները կը սպաննեն ծերունին, որովհետեւ այդ արարը ըմբոստութեան կը մղէ:

Քաթնիսը եւ Փիթան կը շարունակեն շրջիլ միւս գաւառները եւ ի վերջոյ Քաթնիս կը գիտնայ, թէ իր նպատակը ըմբոստութիւնը արգիլելու համար ձախողած է:

Երբ անոնք կը վերադառնան 12-րդ գաւառը, Քաթնիս հեռատեսիլէն կը գիտնայ թէ 8-րդ գաւառին մէջ ապստամբութիւններ տեղի ունեցած են, ի հետեւանք Քաթնիսին եւ Փիթային արարներուն: Քաթնիս ետքը կը ծանօթանայ երկու աղջիկներու, որոնք փախչած են 8-րդ գաւառէն ու կը փորձեն հասնիլ 13-րդ գաւառը, որ կառավարութիւնը ռմբակոծած էր երկար տարիներ առաջ: Անոնք Քաթնիսին կ'ըսեն թէ 13-րդ գաւառը դեռ ողջ է ու բնակիչները կ'ապրին գետնին տակ գտնուող շէնքերու մէջ:

Ժամանակը կը հասնի 75-րդ Hunger Games մրցանակին եւ կը յայտարարուի թէ խաղին 24 մասնակիցները պիտի ըլլան նախկին մրցակակիրներէն: Այս մրցանակը կոչուեցաւ «Quarter Quell»: Ըլլալով 12-րդ գաւառի միակ յաղթող աղջիկը՝ Քաթնիս կրկին պիտի մասնակցի այս մահացու խաղին Փիթային հետ:

Այս անգամ, մրցանակը տեղի կ'ունենայ անտառի մէջ, որ ունի մեծ լիճ մը: Քաթնիսին եւ Փիային խումբին կը միանան 24 տարեկան Ֆիննիք Օտէյրը, որ 65-րդ Hunger Games խաղը յաղթած է 14 տարեկանին եւ Մակզը, որ 80 տարեկան կին մըն է եւ եղած է Ֆիննիքին առաջնորդը: Երկուքն ալ 4-րդ գաւառէն են: Խումբը կը հանդիպի թունաւոր մշուշի եւ Փիթան կը վիրաւորուի: Մակզը ինքզինք կը նետէ թունաւոր մշուշին մէջ, որպէսզի ազատէ Փիթային եւ կը մեռնի: Մակզին մահէն ետք, երեքը կը հանդիպին Ճոհաննա Մէյսընին 7-րդ գաւառէն եւ Պիթիին ու Ուայրեսին 3-րդ գաւառէն: Ուայրես բոլորին ցոյց կու տայ թէ այդ անտառը, ուր կը գտնուին կը նմանի ժամացոյցի, սակայն ան կը մեռնի երբ իրենց վրայ կը յարձակին ուրիշ մասնակցողներ: Բոլոր խումբը կ'որոշէ հետեւիլ Պիթիին ծրագիրին եւ ելեկտրականութեամբ սպաննել միւս ողջ մնացած մասնակիցները: Սակայն Պիթին կը վիրաւորուի եւ Քաթնիս կայծակը կ'ուղղէ դէպի երկինք ու կը քանդէ ամբողջ խաղերը ու անոնց հիմը:

Երբ Քաթնիս կ'արթննայ, ան կը գտնուի օդանաւի մը մէջ, որ կ'ուղղուի դէպի 13-րդ գաւառ: Հոն կը գտնուին նաեւ Ֆիննիքն ու Պիթին, ինչպէս նաեւ իր առաջնորդը՝ Հէյմիչը: Քաթնիս կը գիտնայ թէ Փիթան եւ Ճոհաննան բռնուած են կառավարութեան կողմէ եւ արդէն սկիզբէն ի վեր ծրագիր մը կար, որ խաղերը քանդէին:

Պատմութիւնը կը վերջանայ երբ Քաթնիսին բարեկամը՝ Կէյլը, իրեն կ'այցելէ ըսելով թէ 12-րդ գաւառը քանդուած է եւ իր ընտանիքը փոխադրուած է 13-րդ գաւառ:

Հրատարակութիւն

[Խմբագրել | Խմբագրել աղբիւրը]

Catching Fire գիրքը որոշուած էր հրատարակել 8 Սեպտեմբեր, 2009 թուականին, սակայն թուականը փոխուեցաւ 1 Սեպտեմբեր, 2009ի[3]: Նոյն թուականին ալ հրատարակուեցաւ գիրքին ձայնագրութիւնը[2][4]: Սկիզբը Catching Fire-ը հրատարակուեցաւ միայն 35,000 օրինակներով[3], սակայն թիւը բարձրացաւ ու եղաւ 75,000[5]: Իսկ Mockingjay-ը հրատարակուեցաւ 24 Օգոստոս, 2010 թուականին[6][7] եւ արդէն այդ ժամանակ Catching Fire վաճառուած էր աւելի քան 10 միլիոն օրինակներ[8]:

Ֆիլմի վերածում

[Խմբագրել | Խմբագրել աղբիւրը]

Lionsgate հրատարակչական կազմակերպութիւնը յայտարարեց թէ Catching Fire վէպին ֆիլմը՝ որ կոչուեցաւ The Hunger Games պիտի հրապարակուի 22 Նոյեմբեր, 2013 թուականին,[9] որ շարունակութիւննէ The Hunger Games պատմութեան ու ֆիլմին, որ հրապարակուած է Ապրիլ, 2012 թուականին[10]: Ֆրանսիս Լորենսը նշանակուեցաւ Catching Fire ֆիլմին արտադրողը 3 Մայիս, 2012 թուականին[11]:

Ֆիլմին դերասաններն են՝

ներկայացումը պաշտօնական ձեւով սկսաւ 10 Սեպտեմբեր, 2010 թուականին[18][19]:

Ֆիլմը ստացաւ դրական քննադատութիւններ ու շահեցաւ աւելի քան 800 միլիոն տոլար[20]:

Ծանօթագրութիւններ

[Խմբագրել | Խմբագրել աղբիւրը]
  1. ↑ «Mockingjay proves the Hunger Games is must-read literature»։ io9։ August 26, 2010։ արխիւացուած է բնօրինակէն-էն՝ July 9, 2013-ին։ արտագրուած է՝ February 12, 2013 
  2. ↑ 2,0 2,1 Amazon Catching Fire։ Amazon։ ISBN 0545586178 
  3. ↑ 3,0 3,1 «The On-Sale Calendar: September 2009 Children's Books»։ Publishers Weekly։ July 1, 2009։ արտագրուած է՝ April 3, 2011 
  4. ↑ Roback Diane (January 22, 2009)։ «'Hunger Games 2': A First Look»։ Publishers Weekly։ արխիւացուած է բնօրինակէն-էն՝ January 25, 2009-ին։ արտագրուած է՝ January 26, 2009 
  5. ↑ Roback Diane (February 11, 2010)։ «'Mockingjay' to Conclude the Hunger Games Trilogy»։ Publishers Weekly։ արտագրուած է՝ July 16, 2010 
  6. ↑ Staskiewicz Keith (February 11, 2010)։ «Final 'Hunger Games' novel has been given a title and a cover»։ Entertainment Weekly։ արտագրուած է՝ February 11, 2010 
  7. ↑ «Suzanne Collins's Third Book in the Hunger Games Trilogy to Be Published by Scholastic on August 24, 2010» (Press release)։ Scholastic։ December 3, 2009։ արխիւացուած է բնօրինակէն-էն՝ April 21, 2019-ին։ արտագրուած է՝ December 3, 2009 
  8. ↑ «'Hunger Games' books: More than 36.5M in print in the U.S. alone»։ Entertainment Weekly 
  9. ↑ Weinstein Joshua L (August 8, 2011)։ «The Hunger Games Sequel Set for 2013 Release»։ The Wrap։ արխիւացուած է բնօրինակէն-էն՝ April 7, 2019-ին։ արտագրուած է՝ August 15, 2011 
  10. ↑ Hertzfeld Laura (April 10, 2012)։ «Gary Ross will not direct second 'Hunger Games' installment 'Catching Fire'»։ Entertainment Weekly։ արտագրուած է՝ October 18, 2012 
  11. ↑ Staskiewicz Keith (May 3, 2012)։ «Francis Lawrence confirmed as 'Catching Fire' director»։ Entertainment Weekly։ արտագրուած է՝ May 3, 2012 
  12. ↑ Kit Borys։ «Jena Malone Chosen as Tribute for 'Catching Fire' (Exclusive)»։ The Hollywood Reporter։ The Hollywood Reporter։ արտագրուած է՝ July 10, 2012 
  13. ↑ Cornet Roth (July 9, 2012)։ «Philip Seymour Hoffman Cast As Plutarch Heavensbee in The Hunger Games: Catching Fire»։ AMC Entertainment։ արտագրուած է՝ October 18, 2012 
  14. ↑ Games Hunger։ «Lynn Cohen Hunger Games»։ Facebook։ արտագրուած է՝ August 2, 2012 
  15. ↑ Adly MacKenzie Carina (August 9, 2012)։ «'Smallville's' Alan Ritchson joins 'The Hunger Games: Catching Fire' as Gloss»։ Zap2it։ արխիւացուած է բնօրինակէն-էն՝ July 6, 2013-ին։ արտագրուած է՝ August 9, 2012 
  16. ↑ Wigler Josh։ «'Catching Fire' Casts Sam Claflin As Finnick»։ արխիւացուած է բնօրինակէն-էն՝ February 5, 2014-ին։ արտագրուած է՝ August 27, 2012 
  17. ↑ Sperling Lindsay (September 7, 2012)։ «Jeffrey Wright Joins Catching Fire»։ Complex Media։ արտագրուած է՝ October 18, 2012 
  18. ↑ Vary Adam B.։ «'The Hunger Games: Catching Fire' begins shooting in Georgia, before moving to Hawaii»։ արտագրուած է՝ September 10, 2012 
  19. ↑ McAllister Cameron։ «'The Hunger Games: Catching Fire' officially begins production in Georgia»։ արտագրուած է՝ September 10, 2012 
  20. ↑ «The Hunger Games: Catching Fire»։ Box Office Mojo։ արտագրուած է՝ August 13, 2014 

Արտաքին յղումներ

[Խմբագրել | Խմբագրել աղբիւրը]
Վերցուած է «https://hyw.wikipedia.org/w/index.php?title=Catching_Fire&oldid=238714» էջէն