Փառնակ Այվատեան

Փառնակ Այվատեան
Ծնած է	1860
Ծննդավայր	Պոլիս, Օսմանեան Կայսրութիւն
Մահացած է	1940
Մասնագիտութիւն	Խմբագիր

Փառնակ Այվատեան (1860, Պոլիս, Օսմանեան Կայսրութիւն - 1940), հայ խմբագիր։

Կենսագրական գիծեր

Ծնած է Կ. Պոլիս։ Որդին է Մատթէոս Այվատեանի։ Կրթութիւնը ստացած է Պոլսոյ Ռոպերթ քոլէճը։ Հօր մահէն ետք, 1880-ականներու կէսերը, ընտանիքով տեղափոխուած է ԱՄՆ, հաստատուած՝ Նիւ Եորք։

Երկար տարիներ պաշտօնավարած է «Նիւ Եորք թայմզ» թերթի արտասահմանեան բաժանորդագրութեան գրասենեակին մէջ։ Միաժամանակ կապ պահած է հայ կեանքի ու մշակոյթի հետ։

1891-ին Նիւ Եորքի մէջ սկսած է հրատարակել «Արարատ» պարբերականը, որ դադարած է երկու տարի ետք։ Հետագային, տասը տարի անց, դարձեալ փորձած է վերահրատարակել այն որպէս ամսագիր, սակայն հազիւ կարցած է երկու թիւ լոյս ընծայել։ Անկէ ետք զբաղած է առեւտրական գործերով, մերթընդմերթ աշխատակցելով ամերիկահայ մամուլին։