Տոքոս (կղզի, Իտրա)

Կղզի
Տոքոս
Δοκός
Տոքոս
Երկիր	Էգէական ծով, Յունաստան
Տարածութիւն	13,537 քմ²
ԲԾՄ	308 մեթր
Բնակչութիւն	18 մարդ (2011)
Կը գտնուի ափին	Արղոսարոնիքոս

Տոքոս․ աեւելքին՝ Իտրա, արեւմուտքին Պելոպոնես եւ Էրմիոնի հրուանդանը

Տոքոս(յուն․՝ Δοκός), Արղոսարոնիքոսի փոքրիկ կղզի։ Կը գտնուի Էրմիոնի Պելոպոնես եւ Իտրա ու Սփեցես կղզիներուն միջեւ նեղուցին։ Բնակիչներուն թիւը 18 է։

Ընդհանուր տեղեկութիւններ

Անուանում

Հին տարիներուն Ափերոփիա Απεροπία կը կոչուէր Փաֆսանիաս զայն այդպէս անուանած է, որովհետեւ շնորհիւ իր ռազմական դիրքին անսահման տեսարան ունի․ Ափերոփիա՝ άπειρον=անսահման, անծայր։

Տոքոս անունը առած է Բիւզանդական շրջանին, որովհետեւ Դէպի Իտրա եւ Էրմիոնի հասնելու ճամբուն վրայ կը գտնուի։

Աշխարհագրական տուեալներ

Տոքոս

Տոքոս լեռնային եւ ժայռոտ է։ Բարձրագոյն կէտը 308 մ․ է։ Անոր արեւելեան մասին կը գտնուին բիւզանդական - վենետիկեան բերտի մը աւերակները։ Յունաստանի Ապստամբութեան տարիներուն (1821), Իտրայի նաւատորմիղին ձմեռուան խարսխավայրը եղած է։ Կղզիին ամբողջ տարածքին ձիթենիներ կը գտնուին եւ հիւսիսային կողմը մինչեւ նորագոյն շրջանին կը գործէր ձէթի ջաղացք։ Կղզիին վրայ 1923-ին կը կառուցուի փարոսը․ ունի 23 մ․ բարձրութիւն։

Տոքոս

Բնակչութիւն

Ըստ 2011-ի մարդահամարի բնակիչները 18 են։

Պատմական ակնարկ

Հնագիտական պեղումները կը վկայեն թէ կղզին բնակուած է Ք․Ա․ 6-րդ հազարամեակէն․ ծովեզրին երկայնքին գտնուած են հետքեր այդ ժամանակաշրջանէն։ Միթի Քոմենի հրուանդանին մօտ գտնուոած են նախայունական շրջանի բնակավայրերու հետքեր, որոնք կը վկայեն այդ շրջանի ծովու ճամբով առեւտուրի բարգաւաճումը։ 1975-ին, Տոքոսի ափերուն գտնուած է հնագոյն նաւակոծութիւնը (Ք․Ա․ 2500 - 2000)։

Բիւզանդական շրջանին, կղզիին բարձրգոյն կէտին վրայ՝ Սքինթոս ծովախորշին հիւսիս-արեւելեան մասին, բերդաքաղաք մը կը կառուցուի․ կը քանդուի արաբներէն 673-ին։

Յաջորդող դարերուն, Տոքոս հովիւներու եւ ձկնորսներու բնակավայր դարձած է։