Տենիզ Պիելման
| Տենիզ Պիելման | |
|---|---|
 | |
| Ծնած է | 11 Դեկտեմբեր 1962[1][2] (61 տարեկան) |
| Ծննդավայր | Զիւրիխ, Զուիցերիա[1] |
| Քաղաքացիութիւն |
 Զուիցերիա |
| Մասնագիտութիւն | գեղասահորդ |
| Կայքէջ | denisebiellmann.com |
Տենիզ Պիելման (11 Դեկտեմբեր 1962[1][2], Զիւրիխ, Զուիցերիա[1]), զուիցերիացի գեղասահորդ, աշխարհի եւ Եւրոպայի չեմպիոն (1981), Զուիցերիացի եռակի ախոյեան:
Մարզական գործունէութիւն
[Խմբագրել | Խմբագրել աղբիւրը]Մարզուած է մօր՝ Հայտի Պիելմանի (Heidi Bielmann) եւ Օթթը Հիւկինի (Otto Hügin) մօտ[3]: 11 տարեկանին դարձած է Զուիցերիոյ պատանեկան առաջնութեան ախոյեան[4]: Միջազգային մրցոյթներուն նորամուտը կատարած է 1976-ին: 1977-ին Հելսինքիի Եւրոպայի առաջնութեան, որ անոր գործունէութեան ընթացքին առաջին Եւրոպայի առաջնութիւնն էր, կատարած է եռակի սալխով եւ իրանը հետ թեքելով ու ազատ ոտքը բռնելով պտոյտ (ֆիրմային պտոյտ): Մրցավարական կազմը արհեստավարժութեան համար անոր նշանակած է 2 հատ 5,9, իսկ ազատ ծրագրին ան զբաղեցուցած է երկրորդ տեղը:
Գեղասահքի պատմութեան մէջ մտած է պտոյտներու բացառիկ արհեստավարժութեան եւ յատկապէս ոտքը բռնած վիճակով պտոյտներու շնորհիւ, որ անոր պատուին կը կոչուի «պիելման» (bielmann spin), չնայած ան զանոնք առաջին կատարողը չէ (օրինակ՝ 1974-ին այդպիսի պտոյտներ կատարած է զուիցերացի Քարին Իթէնը (Karin Iten)): Պիելմանը այդ պտոյտները կատարած է առաւելագոյնս ձգուած եւ ընդհանրապէս մեծ արագութեամբ, ճշգրիտ կեդրոնադրումով եւ մեծ քանակութեամբ դարձաշրջաններով: 1981-ին ազատ ծրագրում բոլոր պտոյտները միասին ան կատարած է 105 դարձաշրջան՝ վայրկեանին 1,8 պտոյտ արագութեամբ, որ կազմած է ծրագրի ամբողջ ժամանակի 24%-ը: Ատկէ ետք բացառիկ պտոյտները վերջնականապէս սկսան համարել գեղասահքի զուիցերարական դպրոցի այցեքարտը:
Աշխարհի առաջին գեղասահորդուհին է, որ Եւրոպայի առաջնութեան ժամանակ կատարած է եռակի լուտց (1978), որու համար գեղասահորդուհիներու մէջ առաջին անգամ ստացած է 6,0 միաւոր (եւ 5 հատ 5,9 միաւոր) արհեստավարժութեան համար: Առաջիններէն մէկն է, որ աշխարհի առաջնութեան ժամանակ կատարած է եռակի հանգոյցով ցատկ (1978, Ելենա Վոտորեզովայի հետ միասին): Ընդհանուր առմամբ Տենիզ Պիելմանի կարճ եւ ազատ ծրագրերը կը տարբերէին բարդ եւ որակեալ արհեստավարժութեան ներդաշնակ համադրութեամբ, միեւնոյն ժամանակ՝ բարձր ոճով, վարպետութեամբ եւ երաժշտականութեամբ:
Սակայն Պիելմանը շատ անյաջող կատարած է պարտադիր շարժումները, որու պատճառով նոյնիսկ մրցանակակիր չէ դարձած: Եւ միայն 1981-ին, բարելաւելով շարժումներու որակը, կարողացած է դառնալ Եւրոպայի եւ աշխարհի ախոյեան (նաեւ աշխարհի առաջնութեան պատմութեան մէջ առաջին անգամ կատարած է եռակի լուտց:
Մարզանքէն ետք
[Խմբագրել | Խմբագրել աղբիւրը]1982-էն կը մասնակցի մասնագիտական ներկայացումներու՝ տարիներ ետք կատարելով Պիելման պտոյտներ եւ եռակի բարդ ցատկեր: Կ՛ապրի Ցիւրիխի մէջ:
2007-ին մասնագէտ պարող Սուէն Նինեմանի հետ մասնակցած է պարային Եւրատեսիլին, որտեղ զբաղեցուցած են վերջին՝ 16-րդ տեղը:
Մարզական ձեռքբերումներ
[Խմբագրել | Խմբագրել աղբիւրը]| Միջազգային | |||||||||
|---|---|---|---|---|---|---|---|---|---|
| Մրցում / Մրցաշրջան | 1972-1973 | 1973-1974 | 1974-1975 | 1975-1976 | 1976-1977 | 1977-1978 | 1978-1979 | 1979-1980 | 1980-1981 |
| Ձմեռային օլիմպիական խաղեր | 4 | ||||||||
| Աշխարհի առաջնութիւն | 15 | 10 | 5 | 5 | 6 | 1 | |||
| Եւրոպայի առաջնութիւն | 6 | 4 | 3 | WD | 1 | ||||
| NHK Trophy | 1 | ||||||||
| Richmond Trophy | 3 | ||||||||
| Ազգային | |||||||||
| Զուիցերիոյ առաջնութիւն | 5 J | 1 J | 11 | 3 | 2 | 2 | 1 | 1 | 1 |
| J = պատանեկան, WD = հեռացում | |||||||||
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 1,2 1,3 1,4 Deutsche Nationalbibliothek Record #1061971651 // Gemeinsame Normdatei — 2012—2016.
- ↑ 2,0 2,1 filmportal.de — 2005.
- ↑ Stummer Wolfgang F.։ «Otto Hügin - Leichter Eislaufen - Sprünge und Pirouetten mit Denise Biellmann»։ webcache.googleusercontent.com։ արխիւացուած է բնօրինակէն-էն՝ 2016-04-03-ին
- ↑ «Denise Biellmann»։ www.denisebiellmann.com
Արտաքին յղումներ
[Խմբագրել | Խմբագրել աղբիւրը]- Lua error in Մոդուլ:Official_website at line 103: attempt to call upvalue 'makeUrl' (a nil value). (գերմ.) Կաղապար:En icon
- Տենիզ Բիելմանը Olympics at Sports-Reference.com կայքէն
- YouTube video - 1980 թվականի Ձմեռային օլիմպիական խաղեր
| ||||||
