Տելհի

Ուիքիփետիաէն
Jump to navigation Jump to search
Չշփոթել Հնդկաստանի մայրաքաղաք Նիու Տելհիի հետ:


Տելհի

Տելհի (հնդկերէն՝ दिल्ली, ուրտու՝ دِلّی), Հնդկաստանի մեծագոյն երկրորդ քաղաքը։ Ունի համադաշնութեան կարգավիճակ։ Կը գտնուի երկրի հիւսիսը՝ Եամունա գետի ափին։ Տելհին կը համարուի Հնդկաստանի ամենազարգացած քաղաքը։

Անուանում[Խմբագրել | Խմբագրել աղբիւրը]

Հին ժամանակ յայտնի եղած է Ինտրափրասահա անունով (գոյութիւն ունեցած է Ք.Ա. 1-ին հազարամեակի սկզբը)։ Հնդկական «Մահապհարապա» էպոսի մէջ կը յիշատակուի Հասփինափուրա անունով։

Ժամանակակից անուանումը երեւան եկած է 736 թուականէն, երբ հին բնակավայրի աւերակներու մօտ կառուցուեցաւ Տհիլիքա կամ Տելհի քաղաքը։ Կ՛ենթադրեն, որ անուանումն առաջացած է քաղաքի հիմնադիր Տիլուի անունէն։ Քաղաքի հին մասը՝ Հին Տելհին, կը կոչուի նաեւ Շահճահանապատ՝ Հնդկաստանի մէջ Մեծ Մոնկոլներու կայսրութեան կառավարիչ Շահ Ճահանի անունով. պարսկերէն «ապատ»՝ քաղաք, այսինքն՝ «Շահ Ճահանի քաղաք»[1]:

Ծանօթագրութիւններ[Խմբագրել | Խմբագրել աղբիւրը]

  1. Յակոբ Ղազարոսի Գրգեարեան, Ն. Մ. Յարութիւնեան (1987)։ Աշխարհագրական անունների բառարան։ Երեւան: «Լոյս» :