Lua–ի սխալ՝ expandTemplate: template "ref-ga" does not exist։
Տապլին (անգլերէն՝ Dublin) (կ'արտասանուի Տապլին (ˈdʌblin), (Իրլանտական անուանումը՝ Baile Átha Cliath)), Իրլանտայի մայրաքաղաքն է։ Կը գտնուի Իրլանտայի արեւելեան ափի գրեթէ մէջտեղը, Լիֆի գետի բերանին եւ Տապլին մարզի կեդրոնը։ Հիմնադրուած է որպէս Vikings վայքինկներու բնակավայր։ Այնուհետեւ զարգացեր է որպէս Տապլինի Թագաւորութիւն՝ դառնալով կղզիի հիմնական քաղաքը։ 17-րդ դարէն սկսեալ քաղաքը մեծ արագութեամբ ընդլայնուած է՝ դառնալով Բրիտանական Կայսրութեան երկրորդ եւ Եւրոպայի հինգերորդ ամէնամեծ քաղաքը։
Իրլանտական աղբիւրներու մէջ առաջին անգամ յիշատակուած է 291 թուականին։ Անուանումը առաջացեր է հին իրլանտերէն Dubhlin ձեւէն, որ բառացի կը նշանակէ (black pool) «սեւ գետնախորշ»։ Քաղաքը այսօր իրլանտերէն կը կոչուի նաեւ Պայլա Ահա Քիա[3] երբեմն ալ՝ Պլաքլիա [4](Baile Atha Cliath), որ բառացի կը նշանակէ (place by a ford, overgrown with reeds) «վայր՝ եղէգներով ծածկուած ծանծաղուտ» այսինքն՝ գետի այն ծանծաղ տեղը, ուր կարելի է անցնիլ մէկ ափէն միւսը [5][6]։
