Վարուժան Վահագնեան

Վարուժան Վահագնեան
Ծնած է	1950
Ծննդավայր	Գասթամոնու, Գասթամոնու, Թուրքիա
Ուսումնավայր	Պեզճեան Մայր Վարժարան

Վարուժան Վահագնեան (ծնած է 1950-ին Գասթամոնուի (Սեւ Ծովեան շրջան) մէջ), բուն անունով՝ Վարուժան Պարըշ։

Նախակրթութիւնը ստացած է ծննդավայրին մէջ, եւ ապա Իսթանպուլ՝ Պէզճեան Մայր վարժարանին մէջ։ Շրջանաւարտ է Ս. Խաչ Դպրեվանքէն։ Հետեւած է Իսթանպուլի համալսարանի գրականութեան ճիւղին եւ վկայուած է արուեստի ճիւղէն, իբրեւ աւարտաճառ ներկայացնելով «Istanbul Surlari Icinde Sekiz Ermeni Kilisesi» (Իսթանպուլի պարիսպներէն ներս գտնուող ութ հայկական եկեղեցիներ) ուսումնասիրութիւնը, որ գիտաշխատող Էլմոն Գարօղլու-Հանչչէրի կողմէ հայերէնի վերածուած լոյս տեսաւ "Նոր Սան" պարբերաթերթի յաջորդական համարներուն մէջ։

Գրած է հայերէն եւ թրքերէն բանաստեղծութիւններ, հայերէն բանաստեղծութիւնները լոյս տեսած են "Մարմարա"յի եւ "Նոր Սան"ի մէջ, իսկ թրքերէն բանաստեղծութիւնները ամփոփած է երկու հատորներու մէջ։ Հրատարակուած հայերէն գիրք չունի, սակայն լուսապատճէնուած բազմաթիւ գգրքոյկներ պատրաստած է ոմանք՝ առանց խորագրի։ Ներկայիս կը պաշտօնավարէ գրատան մը մէջ։

Հրատարակուած գործեր

• Suyu Arayan Ates (թրքերէն, բանաստեղծութիւն) - Իսթանպուլ, 1999։
• Kirmizi Karinca Baslarken (թրքերէն, բանաստեղծութիւն) - Իսթանպուլ, 1999։