Վահագն Յովնանեան

Վահագն Յովնանեան
Ծնած է 16 Փետրուար 1932(1932-02-16)[1]
Ծննդավայր Քերքուք, Իրաք
Մահացած է 31 Օգոստոս 2015(2015-08-31) (83 տարեկանին)
Մահուան վայր Երեւան, Հայաստան
Կրօնք քրիստոնէութիւն
Մասնագիտութիւն հասարակական գործիչ

Վահագն Յովնանեան (16 Փետրուար 1932(1932-02-16)[1], Քերքուք, Իրաք - 31 Օգոստոս 2015(2015-08-31), Երեւան, Հայաստան), իրաքահայ գործարար, հասարակական գործիչ եւ բարերար։ Հայ ճարտարագէտ-ձեռնարկատէր, հասարակական գործիչ, բարերար Հրայր Յովնանեանին եղբայրը:

Կեանք եւ գործունէութիւն[Խմբագրել | Խմբագրել աղբիւրը]

Ան ծնած է Իրաք: 1952-ին աւարտած է Պաղտատի գոլէճը, 1956-ին` Ֆիլատելֆիոյ Ս. Ժոզեֆի համալսարանը (Փենսիլվանիա նահանգ)` ստանալով բնագէտի պսակաւոր գիտութեանց աստիճան[2]:

1959 թուականին հիմնած է՝ եղբայրներուն հետ, «Յովնանեան եղբայրներ» համագործակցականը՝ եղած է փոխնախագահ։

1969 թուականին` սեփական անշարժ գոյքի շինարարութեան «Hovhit» ընկերութիւնը: Գործունէութեան աճով, ընկերութիւնը ճիւղաւորուած եւ հիմնադրած է քանի մը դուստր ընկերութիւններ` «V.S. Hovnanian Group», «Adelfia Water Company», «Adelfia Sewer Company», «Hovnanian Realty», «Clear Title Agency» եւ «Grandview Cable»:

1985 թուականին Յովնանեան որդիին` Շանթին հետ նախաձեռնած է յաճախականութեան լայն ընդգրկումով հեռահաղորդակցութեան ընկերութեան` հիմնելով «Cellular Vision» համագործակցականը, որ հետագային վերանուանուած է «SpeedUS»:

1960-ականներուն Յովնանեան 4 տարի շարունակ եղած է Նիւ Ճըրզի նահանգի Ռիճֆիլտ քաղաքի Ս. Վարդանանց հայ առաքելական եկեղեցւոյ հոգաբարձուներու խորհուրդի նախագահ, նաեւ` Ամերիկա-Իսրայէլ բարեկամութեան խորհուրդի անդամ[2]:

«Յովնանեան Ինթըրնեշընըլ» (1998 թուականէն) եւ «Յովնանեան Կրուփ» ընկերութիւններու նախագահ է[3]:

ԱՆոր բարեսիրական ծրագիրները նպատակաուղղուած են հայ մշակոյթի զարգացման ու պահպանման, նաեւ Հայաստանի մէջ զբօսաշրջութեան զարգացման:

Կնոջ` Յասմիկ Յովնանեանի հետ, 1976 թուականին Նիւ Միլֆորտ քաղաքին մէջ հիմնած է հայկական դպրոց, նպաստած է Միացեալ Նահանգներու հիւսիս-արեւելեան հայ համայնքի կրթական, կրօնական եւ մշակութային խնդիրներու լուծման:

1998 թուականին Երեւանի մէջ կառուցած է Վահագնի թաղամասը[4]:

2000 թուականին Հայաստանի մէջ հիմնած են Սայաթ Նովայի անուան, 2002 թուականին` «Վահագն» մրցանակները:

2001 թուականի մայիսին ստեղծած է «Հայկական զբօսաշրջութեան զարգացման գործակալութիւնը»[3]:

ծանօթագրութիւններ[Խմբագրել | Խմբագրել աղբիւրը]

  1. 1,0 1,1 http://am.hayazg.info/index.php?curid=11772
  2. 2,0 2,1 Limited Clover CG։ «Վահագն Յովնանեան. Հայ մեծ բարերար, հասարակական գործիչ եւ գործարար»։ Պիզնես 24 - Տնտեսական, Ֆինանսական եւ Պիզնես Լրատուութիւն (Արեւելահայերէն)։ արտագրուած է՝ 2020-10-27 
  3. 3,0 3,1 «Մեր Կորուստները. Մահացած Է Բարերար Վահագն Յովնանեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2015-09-01։ արտագրուած է՝ 2020-10-27 
  4. «Համբոն Չի Գիտեր, Որ Ինք Հականարգիսական Է»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2015-08-24։ արտագրուած է՝ 2020-10-27 

Արտաքին յղումներ[Խմբագրել | Խմբագրել աղբիւրը]