Վալանթին Մազլում
| Վալանթին Մազլում | |
|---|---|
| Ծնած է | 1914 կամ 1913[1] |
| Ծննդավայր | Պոլիս, Օսմանեան Կայսրութիւն |
| Մահացած է | 2000[1] |
| Մահուան վայր | Պոլիս, Թուրքիա |
| Քաղաքացիութիւն |
.svg){kind=small} Օսմանեան Կայսրութիւն և  Թուրքիա |
| Կրօնք | քրիստոնէութիւն |
| Մասնագիտութիւն | երաժիշտ |
Վալանթին Մազլում (1914 կամ 1913[1], Պոլիս, Օսմանեան Կայսրութիւն - 2000[1], Պոլիս, Թուրքիա), դաշնակահար։
Կենսագրական գիծեր
[Խմբագրել | Խմբագրել աղբիւրը]Ծնած է Պոլիս, Պաքըրգիւղ թաղը։ Մօրենական կողմէ կը սերէր ԺԹ. դարուն արեւմտահայութեան երեւելի դէմքերէն Յարութիւն ամիրա Կէլկէլեանի գերդաստանէն։ Մօր ջանքերով փոքր տարիքէն ստացած է դաշնամուրի կրթութիւն[2]։
Նախակրթութիւնը Պէզազեան վարժարանին մէջ ստանալէ ետք, երկրորդական ուսումը շարունակած է ֆրանսական վարժարանին մէջ։ Ապա անցած է Փարիզ՝ կատարելագործելու համար իր երաժշտական ուսումը։ Միաժամանակ հետեւած է Սորպոնի համալսարանի գրականութեան դասընթացքներուն։ Աւարտած է «École Normale de Musique»ը եւ ստացած ուսուցման լիսանս։
1939-ին վերադարձած է Իսթանպուլ։ Փարիզի եւ Իսթանպուլի մէջ մասնակցած է երաժշտական ձեռնարկներու եւ տուած է համերգներ եւ մասնակցած՝ հեռատեսիլի յայտագիրներու։
1952էն ի վեր նուիրուած է երաժշտական ուսուցման։ Երաժշտական գործունէութեան կողքին, ան զբաղած է նաեւ գրականութեամբ։ Իր արձակ գրութիւններով աշխատակցած է «Քուլիս» ամսաթերթին: Գրութիւններէն մաս մը ամփոփուած է «Երազի Նման...» խորագրեալ գրքոյկի մը մէջ։ Իր ջանքերով եւ Երուանդ Կոպէլեանի խմբագրութեամբ 1995-ին լոյս տեսան իր քրոջ, ողբացեալ նկարչուհի-գրագիտուհի՝ Ֆիմի Մազլումի արձակ էջերը՝ բանախօսութիւններ եւ թարգմանածոյ աշխատասիրութիւնները՝ «Անձեր Եւ Անցքերը»։
Իր հրատարակած գործերէն՝ «Երազի Նման...» (արձակ էջեր), Իսթանպուլ, 1993[3]։
Ծանօթագրութիւններ
[Խմբագրել | Խմբագրել աղբիւրը]- 1 2 3 4 Identifiants et Référentiels — ABES, 2011.
- ↑ «Վալանթին Մազում - Aras Yayıncılık»։ Վալանթին Մազում - Aras Yayıncılık (թուրքերեն)։ արտագրուած է՝ 2026-04-15
- ↑ Կարօ Աբրահամեան, Ժամանակակակից իսթանպուլահայ գրողներ, հ. Ա (խմբ. Պէպօ Սիմոնեան), Անթիլիաս, «Տպարան Կաթողիկոսութեան Հայոց Մեծի Տանն Կիլիկիոյ», 2004։