Սրբոց Նահատակաց Եկեղեցի (Դաւթաշէն)

Սրբոց Նահատակաց եկեղեցի, Հայ առաքելական եկեղեցի Հայաստանի Հանրապետութեան մայրաքաղաք Երեւանի Դաւթաշէն վարչական շրջանին մէջ՝ կամուրջի հարեւանութեամբ։

Պատմութիւն

Սրբոց Նահատակաց եկեղեցւոյ կառուցումը սկսած է 1996 թուականին Ռուբէն Գէորգեանի հովանաւորութեամբ։ Հիմնօրհնէքը կատարուած է 31 Յուլիս 1996 ին՝ Ամենայն Հայոց կաթողիկոս Գարեգին Ա-ի հայրապետութեան օրոք։ Առաջին պատարագը եկեղեցւոյ մէջ մատուցուած է 6 Ապրիլ 2003-ին։ Սրբոց Նահատակաց եկեղեցին նուիրուած է յանուն հաւատքի եւ հայրենիքի նահատակուած հայ ազատամարտիկներու յիշատակին։

Եկեղեցւոյ նախագիծի հեղինակն է Լեւոն Ումետեան։ Եկեղեցին գմբեթաւոր է։ Կառուցուած է մոխրագոյն տուֆով, հատակը, Սուրբ Սեղանը եւ աւազանը մարմարապատ են։ Եկեղեցւոյ զարդաքանդակներով փայտէ դուռը պատրաստած է Արսէն Փանոսեան։