Սուրբ Գրիգոր Լուսաւորիչ Եկեղեցի (Հալէպ)
Հիմնադրման Պատմութիւն[Խմբագրել | Խմբագրել աղբիւրը]
Սուրբ Գրիգոր Լուսաւորիչ Եկեղեցի (Հալէպ) հիմնուած է 1930-ին, Նոր Գիւղ հայաւանին մէջ, նախաձեռնութեամբ` Սահակ Բ. Կաթողիկոսի Մեծի Տանն Կիլիկիոյ: Օծումը կատարուած է 26 նոյեմբեր 1933-ին, ձեռամբ` Բաբգէն Ա. Աթոռակից Կաթողիկոսի Մեծի Տանն Կիլիկիոյ: Եկեղեցին ունի մէկ Աւագ Սեղան, մկրտութեան աւազան, վերնատուն, զանգակատուն եւ սիւնազարդ կառոյց մը, ճարտարապետ եղած է Խաչէր Արապեան:
Հիմնական վերանորոգութիւններ եւ բարեզարդումներ[Խմբագրել | Խմբագրել աղբիւրը]
1973-ին, իրականացած են շարք մը նորոգութիւններ: 1984-1987 տարիներուն, իրագործուած են հիմնական վերանորոգութիւններ եւ բարեզարդումներ, բարեկարգուած է վերնատունը եւ օժտուած ձայնային յարմարութիւններով, վերաշինուած է Աւագ Սեղանը (նախագիծ եւ իրագործում` հալէպահայ ճարտարապետ Գեղամ Խրիկեանի), կառուցուած է Ս. Սարգիս Զօրավարի սրբանկարին նուիրուած խորանը (1986):
1984 թուականին, վերանորոգուած են մկրտութեան աւազանը (բարերարութեամբ` Տէր եւ Տիկ. Զoր. Արամ Գարամանուկեանի) եւ շքամուտքը:
10 Դեկտեմբեր 1989-ին, նախաձեռնութեամբ Բալուի Հայրենակցական Միութեան, շրջափակին մէջ կանգնած է Հայաստանի երկրաշարժի զոհերուն նուիրուած Յուշակոթող-Աղբիւրը (նախագիծ եւ իրագործում` հալէպահայ ճարտարապետ Անդրանիկ Միհրանեանի):[1]
Շրջափակէն ներս կը գործէր Ազգ. Սահակեան Վարժարանը:
Ամէն տարի, Ս. Գրիգոր Լուսաւորիչի «Ելն 7 Վիրապն» տօնին, հանդիսաւորապէս կը նշուի եկեղեցւոյ անուանակոչութեան տօնը:
2004-ին հիմնուած է «Գրիգոր Լուսաւորիչ» եկեղեցւոյ հոգեւոր լսարանի «Սաղմոս» երգչախումբը:
2011-ին սկիզբ առած Սուրիոյ պատերազմին պատճառով Սուրբ Գրիգոր Լուսաւորիչ Եկեղեցի (Հալէպ) յաճախ հրթիռակոծումներու թիրախ դարձաւ եւ պայթումներու պատճառով կառոյցը միշտ ենթարկուեցաւ քանդումի, հրդեհի եւ աւերի:
Աղբիւրներ[Խմբագրել | Խմբագրել աղբիւրը]
- եկեղեցու շրջակայքն է հրթիռակոծվել Հալեպում
- Հրթիռակոծություն Հալեպի հայաշատ թաղամասում, զոհեր եւ վիրավորներ չկան
- Յաղթանակած Հալէպ