Սուէզ

Jump to navigation Jump to search
Քաղաք
Սուէզ
Port Suez.jpg
Երկիր Flag of Egypt.svg Եգիպտոս
Հիմնադրուած է՝ 1859
Տարածութիւն 250 400 000 քառակուսի մետր
ԲԾՄ 11±1 մեթր
Բնակչութիւն 485 342 մարդ (11 Նոյեմբեր 2006)[1]
Ժամային գօտի UTC+2?
Պաշտօնական կայքէջ suez.gov.eg

Սուէզ, քաղաք եւ նաւահանգիստ Եգիպտոսի հիւսիս-արեւմուտքին՝ Կարմիր ծովու ափին, Սուէզի ջրանցքին մօտ։ Սուէզ մուհաֆազայի (նահանգի) վարչական կեդրոնն է։ 2004 թուականի տուեալներով ունի 478. 500 բնակչութիւն։ Կարեւոր փոխադրա-առեւտրային կեդրոն է Սուէզի ջրանցքին մօտ։ Երկաթուղիներու, ինքնաշաժներու ճանապարհներու եւ օդային հաղորդակցութիւններու հանգոյց է։ Կան նաւթավերամշակման եւ նաւթաքիմիական ծրագիրներ։ Սուէզի մօտ, Ք.ա. շուրջ 2-րդ հազարամեակին, կառուցուած է Նեղոսը, Կարմիր ծովուն միացնող նաւարկելի ջրանցքը։

Քաղաքային շրջաններ[Խմբագրել | Խմբագրել աղբիւրը]

Քաղաքը բաժնուած է հինգ գլխաւոր թաղամասերու՝

Ալ Արպաին շրջան[Խմբագրել | Խմբագրել աղբիւրը]

Քաղաքին ամէնէն շատ խճողուած շրջանը. հոն կը գտնուին պետական շէնքերուն եւ հանրային հաստատութիւններուն մեծ մասը: Հոն կան նաեւ քաղաքին հիմնական միրգերուն եւ բանջարեղէնի շուկաները՝ ինչպէս նաեւ վաճառականական այլ կեդրոններ:

Սուէզի շրջան[Խմբագրել | Խմբագրել աղբիւրը]

Այս շրջանը քաղաքին ամէնէն հարուստ շրջաններէն է: Կառոյցները շատ սուղ են: Շէնքերը ունին աւելի ժամանակակից ճարտարապետական ​​ոճ, քան Էլ Արպաին թաղամասին շէնքերը: Անիկա կը ներառէ նաեւ Port Tawfik-ի հարուստ թաղը, որ Սուէզի ջրանցքին մօտ է: Վերջինիս մէջ կը գտնուին անգլիական ոճով կառոյցներ, որոնք կը վերաբերին անգլիական տիրապետութեան շրջանին: Շրջանը կը ներառէ նաեւ Եգիպտոսի երկու ամենակարեւոր նաւթավերամշակման գործարանները՝ El-Nasr Petroleum Company-ն եւ Suez Petroleum Company-ն: Սուէզի նաւահանգիստը՝ Եգիպտոսի հիմնական նաւահանգիստներէն մէկը, կը գտնուի այս շրջանին մէջ:

Ալ Կանայեն շրջան[Խմբագրել | Խմբագրել աղբիւրը]

Այս շրջանը կ'երկարի մինչեւ Իսմաիլիա նահանգին սահմանը: Անիկա ունի գիւղական բնակավայրեր:

Ֆայսալ շրջան[Խմբագրել | Խմբագրել աղբիւրը]

Անիկա կը ներառէ քաղաքին աւելի նոր թաղամասերը: Ֆեյսալ թաղամասին տարածքներուն մեծ մասը կառուցուած են 1973-ին Եոմ Քիպիրի պատերազմէն ետք, որ աւերած էր քաղաքին հսկայական տարածքները:

Աթաքա շրջան[Խմբագրել | Խմբագրել աղբիւրը]

Նշանաւոր է բազմաթիւ արդիւնաբերական տարածքներու առկայութեամբ: Հարուստ է բուսականութեամբ, ինչպէս նաեւ գործարաններով, որոնք պարարտանիւթեր, սիմենթ, պողպատ, խոհարարական իւղ, ալիւր, շաքար եւ սերամիքէ սալիկներ կ'արտադրեն: Այս շրջանին մէջ կը գտնուի Attaka ելեկտրակայանը:

Այս շրջանին մէջ կայ նաեւ Այն Սոխնա՝ Եգիպտոսի ամենակարեւոր ծովային հանգստավայրերէն մէկը, որ ունի բարձրակարգ բազմաթիւ ծովային հանգստավայրեր: Տարուան ընթացքին, իր տաք եղանակին շնորհիւ, կ'ունենայ բազմաթիւ զբօսաշրջիկներ:

Նշանաւոր է նաեւ Այն Սոխնա ծովային նաւահանգիստը՝ Եգիպտոսի հիմնական ծովային նաւահանգիստներէն մէկը, որ կը շահագործուի Տուպայի մէջ գործող DP World ընկերութեան եւ Al-Ataka ձկնորսական նաւահանգիստին կողմէ, որ քաղաքին ձկան արտադրութեան հիմնական նաւահանգիստն է:

Ծանօթագրութիւններ[Խմբագրել | Խմբագրել աղբիւրը]

Աղբիւրներ[Խմբագրել | Խմբագրել աղբիւրը]

Արտաքին յղումներ[Խմբագրել | Խմբագրել աղբիւրը]